(ພາບປະກອບ)
(vovworld) - ຫ້ອງວ່າການລັດຖະບານ ຫວຽດນາມ ຫາກໍ່ແຈ້ງກ່ຽວກັບສະຫຼຸບຂອງນາຍົກລັດຖະມົນຕີ ທີ່ກອງປະຊຸມປະຈຳລັດຖະບານ ກ່ຽວກັບວຽກງານກະກຽມຍື່ນສະເໜີຕໍ່ສະພາແຫ່ງຊາດໃຫ້ສັດຕະຍາບັນສັນຍາຄູ່ຮ່ວມມືຂ້າມປາຊີຟິກ (TPP). ແຈ້ງການບົດສະຫຼຸບຢືນຢັນວ່າ: ເລື່ອງໃຫ້ສັດຕະຍາບັນສັນຍາ TPP ໂດຍໄວ ມີຄວາມໝາຍສຳຄັນໃນການຢັ້ງຢືນຄວາມຕັດສິນໃຈດ້ານການເມືອງສູງຂອງ ຫວຽດນາມ, ສະແດງໃຫ້ເຫັນບົດບາດສະມາຊິກທີ່ເປັນເຈົ້າການ, ຕັ້ງໜ້າໃນ TPP; ປະກອບສ່ວນຊຸກຍູ້ການປັບປຸງລະບອບເສດຖະກິດການຕະຫລາດທັນສະໄໝ ແລະ ລະບົບກົດໝາຍພາຍໃນປະເທດໃຫ້ສຳເລັດ ເພື່ອພ້ອມແລ້ວ ທີ່ຈະປະຕິບັດບັນດາຄຳໝັ້ນສັນຍາຢ່າງມີປະສິດທິຜົນ. ພ້ອມທັງ ມີເວລາຢ່າງພຽງພໍ ເພື່ອໃຫ້ບັນດາວິສາຫະກິດ, ປະຊາຊົນ ແລະ ທົ່ວສັງຄົມກະກຽມ, ເປັນເຈົ້າການເຂົ້າຮ່ວມ ເມື່ອສັນຍາມີຜົນສັກສິດ. ໂດຍອີງໃສ່ການຊີ້ນຳນຳພາຂອງກົມການເມືອງ, ຂໍ້ກຳນົດຂອງກົດໝາຍ ແລະ ວຽກງານກະກຽມຂອງບັນດາກະຊວງ, ຂະແໜງການ, ລັດຖະບານໄດ້ວາງຈຸດໝາຍຍື່ນສະເໜີສະພາແຫ່ງຊາດໃຫ້ສັດຕະຍາບັນສັນຍາ TPP ໃນກອງປະຊຸມສະໄໝສາມັນເທື່ອທີ 1 ສະພາແຫ່ງຊາດຊຸດທີ 14 (ຄາດວ່າຈະດຳເນີນໃນເດືອນ 7/2016).