(vovworld) - ທີ່ການເຮັດວຽກກັບກຸ່ມນັກຊ່ຽວຊານໃຫ້ຄຳປຶກສາເພື່ອປຶກສາຫາລືວິທີຜັນຂະຫຍາຍບັນດາໜ້າທີ່, ວິທີແກ້ໄຂຕົ້ນຕໍ່ໃນການຊີ້ນຳບໍລິຫານການປະຕິບັດແຜນການພັດທະນາເສດຖະກິດ - ສັງຄົມ ແລະ ແຜນງົບປະມານແຫ່ງລັດປີ 2014, ຊຶ່ງດຳເນີນໃນຕອນບ່າຍວັນທີ 22/1 ທີ່ ຮ່າໂນ້ຍ. ທ່ານນາຍົກລັດຖະມົນຕີ ຫງວຽນເຕີນຢູ້ງ ຕີລາຄາສູງ, ຮັບຮູ້ບັນດາຄຳເຫັນ, ຄວາມຮັບຜິດຊອບຂອງບັນດາຊ່ຽວຊານເພື່ອປະກອບສ່ວນວາງແຜນກຳນົດນະໂຍບາຍໃຫ້ນັບມື້ນັບໃກ້ຊິດກັບພຶດຕິກຳຕົວຈິງ, ປະກອບສ່ວນຍົກສູງປະສິດທິຜົນການຊີ້ນຳ, ການບໍລິຫານຂອງລັດຖະບານ. ທ່ານນາຍົກລັດຖະມົນຕີ ຫງວຽນເຕີ໋ນຢູ້ງ ນັ້ນໜັກວ່າ: ລັດຖະບານຕັດສິນໃຈສ້າງບາດກ້າວຫັນປ່ຽນໃນວຽກງານການຄວບຄຸມລາຄາ ແລະ ການຫັນລັດວິສາຫະກິດເປັນຫຸ້ນສ່ວນ, ພິເສດແມ່ນຢຸດຕິສະພາບລັດຕ້ອງຖົມຂຸມລາຄາສິນຄ້າລັດພຽງແຕ່ໜຸນຊ່ວຍໂດຍກົງໃຫ້ຜູ້ທຸກຍາກ ແລະ ບັນດາເປົ້າໝາຍນະໂຍບາຍ. ທ່ານນາຍົກລັດຖະມົນຕີ ຫງວຽນເຕີ໋ນຢູ້ງ ກໍ່ໃຫ້ຮູ້ວ່າ: ລັດຖະບານພວມສຸມໃສ່ຍູ້ໄວວິວັດການເຈລະຈາບັນດາສັນຍາການຄ້າເສລີກັບບັນດາປະເທດ ແລະ ພາກພື້ນເພື່ອເປີດກວ້າງຕະຫຼາດສົ່ງອອກສິນຄ້າຕືມອີກ, ສ້າງກຳລັງໜູນເພື່ອຍູ້ແຮງການປະຕິຮູບພາຍໃນປະເທດ, ພິເສດແມ່ນປັບປຸງລະບອບເສດຖະກິດຕະຫຼາດ, ເສີມຂະຫຍາຍສິດເປັນເຈົ້າຂອງປະຊາຊົນ ແລະ ເພີ່ມທະວີປະຊາທິປະໄຕໃນເສດຖະກິດ.