ວາລະປະຊຸມປະຈຳເດືອນ 4ໂດຍພາຍໃຕ້ການເປັນປະທານຂອງ
ທ່ານນາຍົກລັດຖະມົນຕີ ຫງວຽນຊວນຟຸກ
(ພາບ: nhandan.com.vn)
(vovworld) - ໂດຍສືບຕໍ່ວາລະປະຊຸມປະຈຳເດືອນ 4, ຕອນເຊົ້າວັນທີ 05/05, ໂດຍພາຍໃຕ້ການເປັນປະທານຂອງທ່ານນາຍົກລັດຖະມົນຕີ ຫງວຽນຊວນຟຸກ, ລັດຖະບານໃຫ້ຄຳເຫັນໃສ່ຮ່າງມະຕິຂອງລັດຖະບານກ່ຽວກັບການພັດທະນາວິສາຫະກິດ ຫວຽດນາມ. ຈຸດໝາຍຂອງມະຕິແມ່ນສູ້ຊົນຮອດປີ 2020 ທົ່ວປະເທດມີວິສາຫະກິດປະມານ 1 ລ້ານແຫ່ງເຄື່ອນໄຫວໃນພື້ນຖານເສດຖະກິດ. ຮ່າງມະຕິກໍ່ຊີ້ແຈ້ງບາງຫຼັກການຄື: ວິສາຫະກິດທັງໝົດບໍ່ຈຳແນກຂອບຂະໜາດ, ຮູບການ, ພາກສ່ວນເສດຖະກິດລ້ວນແຕ່ສະເໝີພາບໃນການສຳຜັດບັນດາແຫຼ່ງກຳລັງຄື: ທຶນ, ຊັບພະຍາກອນ, ທີ່ດິນ, ການຕະຫລາດ…ແລະ ໂອກາດດຳເນີນທຸລະກິດ; ຖືວິສາຫະກິດແມ່ນເປົ້າໝາຍຮັບໃຊ້.
ກ່າວຄຳເຫັນທີ່ວາລະປະຊຸມ ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ: ມະຕິຂອງລັດຖະບານຈະສືບຕໍ່ປົກປ້ອງສິດດຳເນີນທຸລະກິດຂອງວິສາຫະກິດຕາມຂໍ້ກຳນົດຂອງກົດໝາຍ ແລະ ພິເສດແມ່ນລົບລ້າງບັນດາຮົ້ວກີດຂວາງທີ່ບໍ່ຈຳເປັນ. ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ນຳແຜນຮ່າງ ຈະກໍ່ສ້າງຕາມທິດບໍ່ມີຄວາມຈຳແນກລະຫວ່າງບັນດາພາກສ່ວນວິສາຫະກິດ:ວິສາຫະກິດ FDI, ວິສາຫະກິດແຫ່ງລັດ ຫຼື ວິສາຫະກິດເອກະຊົນ. ສະຫຼຸບວາລະປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ມອບໃຫ້ຫ້ອງວ່າການລັດຖະບານສົມທົບກັບກະຊວງແຜນການ ແລະ ການລົງທຶນ, ຫ້ອງການການຄ້າ ແລະ ອຸດສາຫະກຳ ຫວຽດນາມ (VCCI) ສຳເລັດຮ່າງມະຕິ, ຍື່ນສະເໜີຕໍ່ນາຍົກລັດຖະມົນຕີເຊັນປະກາດໃຊ້ໂດຍໄວ. ມະຕິຕ້ອງສະແດງໃຫ້ເຫັນຢ່າງຈະແຈ້ງສານຂອງລັດຖະບານຈະແກ້ໄຂບັນດາຄວາມຫຍຸ້ງຍາກຕິດຂັດ, ສ້າງເງື່ອນໄຂສະດວກທີ່ສຸດໃຫ້ແກ່ວິສາຫະກິດພັດທະນາ. ທ່ານນາຍົກລັດຖະມົນຕີ ຢືນຢັນວ່າ: ພັກ, ລັດ, ລັດຖະບານ ຖືວິສາຫະກິດເອກະຊົນແມ່ນກຳລັງໜູນຍົກສູງກຳລັງແກ່ງແຍ້ງ ແລະ ລັກສະນະເປັນເຈົ້າຂອງພື້ນຖານເສດຖະກິດ.