(vovworld) – ວັນທີ 17/2, ລັດຖະບານ ຢູແກຼນ ເລີ່ມປະຕິບັດກົດໝາຍວ່າດ້ວຍການອະໄພຍະໂທດ, ຕາມນັ້ນແລ້ວ, ລົບລ້າງຄວາມຮັບຜິດຊອບດ້ານອາຍາສຳລັບບັນດາຜູ້ແຫ່ຂະບວນປະທ້ວງຖືກຈັບຕົວໃນການຈະລາຈົນຕ້ານລັດຖະບານຄັ້ງຕ່າງໆທີ່ເຮັດໃຫ້ສະພາບການຢູ່ ຢູແກຼນ ເຄັ່ງຕຶງໃນເກືອບ 3 ເດືອນຜ່ານມາ. ໄອຍະການ ຢູແກຼນ Vichtor Pshonka ໃຫ້ຮູ້ວ່າ: ແຕ່ວັນທີ 17/2, ບັນດາອົງການທີ່ກ່ຽວຂ້ອງເລີ່ມພິຈາລະນາເພື່ອລົບລ້າງຄວາມຮັບຜິດຊອບທາງອາຍາໃຫ້ 268 ຄົນ ແລະ ຍຸບເລີກ 108 ຄະດີອາຍາທີ່ກ່ຽວຂ້ອງເຖິງຜູ້ແຫ່ຂະບວນປະທ້ວງຖືກຈັບຕົວ. ທ່ານ Pshonka ໃຫ້ຄຳໝັ້ນສັນຍາວ່າ: ທຸກໆລະບຽບການນິຕິກຳຈະປະຕິບັດສຳເລັດໃນຮອບເວລາ 1 ເດືອນ. ກ່ອນໜ້ານັ້ນ, ຄືວັນທີ 31/1, ທ່ານປະທານາທິບໍດີ ຢູແກຼນ Viktor Yanukovich ໄດ້ເຊັນກົດໝາຍວ່າດ້ວຍອະໄພຍະໂທດທີ່ມີເງື່ອນໄຂໃຫ້ບັນດາຜູ້ຖືກຈັບຕົວໃນການແຫ່ຂະບວນປະທ້ວງກໍ່ການຈະລາຈົນດ້ວຍຂອບຂະໜາດໃຫຍ່ຢູ່ຕາມຖະໜົນ ແລະ ໃຫ້ສັດຕະຍາບັນເລື່ອງຍຸບເລີກກົດໝາຍວ່າດ້ວຍການແຫ່ຂະບວນປະທ້ວງ. ຕາມນັ້ນແລ້ວ, ເລື່ອງອະໄພຍະໂທດຈະໄດ້ຮັບການປະຕິບັດເມື່ອຜູ້ແຫ່ຂະບວນປະທ້ວງຕອບສະໜອງບັນດາເງື່ອນໄຂທີ່ວາງອອກໃນຮອບເວລາ 15 ວັນ, ໝາຍຄວາມວ່າກ່ອນວັນທີ 17/2/2014.