ທ່ານນາຍົກລັດຖະມົນ ຕີ ຫງວຽນເຕິ໋ນຢຸງ ກ່າວຄວາມເຫັນທີ່ກອງປະຊຸມ
(ພາບ: TTXVN)
(vovworld) - ຕອນເຊົ້າວັນທີ 21/3, ລັດຖະບານປຶກສາຫາລືກ່ຽວກັບຮ່າງກົດໝາຍປັບປຸງເພີ່ມເຕີມບາງມາດຕາຂອງກົດໝາຍວ່າດ້ວຍການຢາ.
ບັນຫາທີ່ໄດ້ຮັບຄວາມເອົາໃຈໃສ່ເປັນພິເສດຈາກບັນດາສະມາຊິກລັດຖະບານໃນກອງປະຊຸມນັ້ນແມ່ນ, ການຄຸ້ມຄອງລາຄາຢຸກຢາ. ຜູ້ແທນຫຼາຍທ່ານຖືວ່າຄວນມອບໃຫ້ກະຊວງສາທາລະນະສຸກຄວບຄຸມຄືພວມປະຕິບັດໃນປະຈຸບັນ, ພ້ອມທັງສ້າງຕັ້ງສະພາລະຫວ່າງຂະແໜງເພື່ອຄຸ້ມຄອງລາຄາຢຸກຢາ. ກ່າວຄວາມເຫັນທີ່ກອງປະຊຸມ, ທ່ານນາຍົກລັດຖະມົນ ຕີ ຫງວຽນເຕິ໋ນຢຸງ ຊີ້ແຈ້ງວ່າ:
”ຕ້ອງຄຸ້ມຄອງລາຄາຢຸກຢາຢ່າງເດັດຂາດ, ດ້ວຍການເຂົ້າຮ່ວມຂອງລັດຖະບານ, ກະຊວງການເງິນ ແລະ ກະຊວງສາທາລະນະສຸກ. ກະຊວງສາທາລະນະສຸກຕ້ອງກຳນົດລາຄາຢ່າງລະອຽດ, ແຕ່ພື້ນຖານ ແລະ ຫຼັກການເພື່ອກຳນົດລາຄາແມ່ນຂຶ້ນກັບກະຊວງການເງິນ. ຂ້າພະເຈົ້າເຫັນດີຕໍ່ການສ້າງຕັ້ງສະພາລະຫວ່າງຂະແໜງເພື່ອຄຸ້ມຄອງລາຄາຢຸກຢາ.”.
ກ່ຽວຂ້ອງເຖິງຮ່າງກົດໝາຍວ່າດ້ວຍການຄຸ້ມຄອງ, ນຳໃຊ້ທຶນໂດຍ ລັດລົງທຶນເຂົ້າໃນການຜະລິດ ດຳເນີນທຸລະກິດ ແລະ ຮ່າງກົດໝາຍວ່າດ້ວຍວິສາຫະກິດສະບັບປັບປຸງ. ທ່ານນາຍົກລັດຖະມົນຕີ ຫງວຽນເຕິ໋ນຢຸງ ໃສ່ໃຈວ່າ, ຮ່າງກົດໝາຍທັງສອງນີ້ລ້ວນແຕ່ກ່ຽວຂ້ອງເຖິງລັດວິສາຫະກິດ, ດັ່ງນັ້ນກະຊວງແຜນການ ແລະ ລົງທຶນ, ກະຊວງການເງິນຄວນສົມທົບກັນ, ເຮັດແຈ້ງແນວຄວາມຄິດ, ບົດບາດຂອງລັດວິສາຫະກິດໃນພື້ນຖານເສດຖະກິດຫວຽດນາມ ເພື່ອຫຼີກເວັ້ນບໍ່ໃຫ້ກຳນົດກ່າຍກອງກັນ.