(vovworld) - ກອງປະຊຸມສະຫລຸບລັດຖະບັນຍັດກ່ຽວກັບການເຫຼື້ອມໃສສາສະໜາ ໄດ້ຖືກດຳເນີນໃນວັນທີ 20/05, ຢູ່ນະຄອນໂຮ່ຈິມິນ. ເຂົ້າຮ່ວມກອງປະຊຸມ ມີຜູ້ຕາງໜ້າການນຳກະຊວງພາຍໃນ, ຄະນະສາສະໜາລັດຖະບານ, ຄະນະກຳມະການປະຊາຊົນນະຄອນໂຮ່ຈິມິນ ແລະ ບັນດານັກບວດ, ຜູ້ມີຍົດຖາບັນດາສັກຢູ່ບັນດາແຂວງ, ນະຄອນທາງພາກໃຕ້ ຫວຽດນາມ.
ຕາມທ່ານຫົວໜ້າຄະນະສາສະໜາລັດຖະບານ ຟ້າມຢຸງ ແລ້ວ,ລັດຖະບັນຍັດໄດ້ເຂົ້າສູ່ຊີວິດຕົວຈງ, ສ່ວນຫຼາຍປະຊາຊົນຜູ້ເຊື່ອຖືສາສະໜາ, ຜູ້ມີຍົດຖາບັນດາສັກຢູ່ພາຍໃນປະເທດ ກໍຄືບັນດາອົງການສາກົນທີ່ມີຄວາມສົນໃຈເຖິງສະພາບສາສະໜາຫວຽດນາມ ໄດ້ຕີລາຄາສູງນະໂຍບາຍປ່ຽນໃໝ່ຂອງພັກ ແລະ ລັດ ສຳລັບການເຫຼື້ອມໃສສາສະໜາ. ເລື່ອງສະຫລຸບ 8 ປີແຫ່ງວັນປະຕິບັດລັດຖະບັນຍັດກ່ຽວກັບການເຫຼືອມໃສສາສະໜາ ແມ່ນເພື່ອແນໃສ່ຕີລາຄາ, ມີພື້ນຖານເພື່ອນຳສະເໜີໃຫ້ອົງການແຫ່ງລັດມີສິດອຳນາດປັບປຸງ, ເພີ່ມເຕີມລັດຖະບັນຍັດ ກ້າວໄປເຖິງການສ້າງກົດໝາຍວ່າດ້ວຍການເຫຼື້ອມໃສສາສະໜາ, ຮັບປະກັນສິດເສລີໃນການເຫຼື້ອມໃສສາສະໜາ.