ລັດຖະບານຫວຽດນາມຈັດກອງປະຊຸມປະຈຳເດືອນ 5
ກອງປະຊຸມປະຈຳເດືອນ 5 ຂອງລັດຖະບານຫວຽດນາມ
|
(vovworld)- ຕອນເຊົ້າວັນທີ 29/5, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນເຕີນຢູງ ເປັນປະທານວາລະປະຊຸມລັດຖະບານປະຈຳເດືອນ 5 ເພື່ອຕີລາຄາສະພາບການເສດຖະກິດສັງຄົມເດືອນ 5 ແລະ 5 ເດືອນຕົ້ນປີນີ້. ລັດຖະບານກໍໄດ້ສຸມໃສ່ປຶກສາຫາລືຫລາຍບັນຫາສຳຄັນທີ່ກ່ຽວຂ້ອງເຖິງບັນດາການກະທົບກ່ຽວຂ້ອງສະພາບການຢູ່ທະເລຕາເວັນອອກ; ນະໂຍບາຍ ແລະ ມາດຕະການພັດທະນາສິນໃນນ້ຳກໍຄື ໂຄງການດຳເນີນງານຂອງລັດຖະບານ ຜັນຂະຫຍາຍການປ່ຽນໃຫມ່ການສຶກສາຢ່າງຮອບດ້ານໂດຍພື້ນຖານ. ບັນດາສະມາຊິກລັດຖະບານ ໄດ້ເຫັນດີຕໍ່ການຕີລາຄາວ່າ: ສະພາບການເສດຖະກິດສັງຄົມ ເດືອນ 5 ແລະ ໄລ່ລວມ 5 ເດືອນຕົ້ນປີນີ້ ສືບຕໍ່ມີການຫັນປ່ຽນຢ່າງຕັ້ງຫນ້າ, ຖືກທິດ,ເປັນຕົ້ນ ບັນດາດັດຊະນີລ້ວນແຕ່ຮັບປະກັນຮັກສາເສດຖະກິດມະຫາພາກເປັນປົກກະຕິ. ຢູ່ບາງທ້ອງຖິ່ນເກີດການແຫ່ຂະບວນຄັດຄ້ານຈີນ ລ່ວງລ້ຳເຂດເສດຖະກິດຈຳເພາະ, ເຂດໄຫລ່ທະວີບຂອງຫວຽດນາມ, ແຕ່ມີບຸກຄົນຈຳນວນຫນຶ່ງຖືກຍຸແຍ່ ພາໃຫ້ເກີດການກະທຳລະເມີດກົດໝາຍ, ກໍ່ຂາດຄວາມເປັນລະບຽບຮຽບຮ້ອຍ, ກໍ່ຄວາມເສຍຫາຍເຖິງການຜະລິດດຳເນີນທຸລະກິດ ແລະ ການສົ່ງອອກ, ຜົນສະທ້ອນເຖິງສະພາບແວດລ້ອມແຫ່ງການລົງທຶນ. ທ່ານນາຍົກລັດຖະມົນຕີ, ບັນດາຂະແຫນງການກ່ຽວຂ້ອງ ແລະ ອຳນາດການປົກຄອງບັນດາທ້ອງຖິ່ນຄື: ບີງເຢືອງ, ດົງນາຍ, ຮ່າຕີງ ໄດ້ມີການຊີ້ນຳຢ່າງທັນການ, ສະກັດກັ້ນ ແລະ ຊ່ວຍເຫລືອບັນດາວິສາຫະກິດ, ປັບໄຫມລົງໂທດບັນດາບຸກຄົນມີການກະທຳລະເມີດກົດໝາຍ. ມາຮອດປະຈຸບັນ ບັນດາວິສາຫະກິດດັ່ງກ່າວໄດ້ກັບຄືນສູ່ການເຄື່ອນໄຫວເປັນປົກກະຕິແລ້ວ.
ກ່ຽວກັບສະພາບການຢູ່ທະເລຕາເວັນອອກ. ລັດຖະບານເຫັນດີເປັນເອກະສັນກັນ ສືບຕໍ່ການຕໍ່ສູ້ຢ່າງຂ້ຽວຂາດໂດຍສັນຕິວິທີ, ເດັດດຽວຮຽກຮ້ອງຝ່າຍຈີນ ຈົ່ງຖອນຮ້ານເຈາະນ້ຳມັນອອກຈາກເຂດເສດຖະກິດຈຳເພາະ ແລະ ເຂດໄຫລ່ທະວີບຂອງຫວຽດນາມ ພ້ອມທັງຮັກສາການພົວພັນດ້ານເສດຖະກິດ,ການຄ້າ ເປັນປົກກະຕິກັບຈີນ.