(vovworld)- ໃນວັນທີ 27 ແລະ 28/8 ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີນຢູງ ເປັນປະທານວາລະປະຊຸມປະຈຳເດືອນສິງຫາ. ບັນດາສະມາຊິກໃນຄະນະລັດຖະບານ ໄດ້ເປັນເອກະພາບກັບການຕີລາຄາວ່າ: ນັບແຕ່ຕົ້ນປີມາຮອດປະຈຸບັນ, ທຸກຂັ້ນ, ຂະແຫນງການຕ່າງໆຜັນຂະຫຍາຍຢ່າງຂ້ຽວຂາດ ແລະ ຄົບຊຸດບັນດາມາດຕະການຕາມການຊີ້ນຳຂອງລັດຖະບານ, ນາຍົກລັດຖະມົນຕີ ສະນັ້ນ ສະພາບການເສດຖະກິດສັງຄົມສືບຕໍ່ຫັນປ່ຽນຢ່າງຕັ້ງຫນ້າ ແລະ ຖືກທິດ. ເຖິງວ່າຍັງປະສົບກັບຄວາມຫຍຸ້ງຍາກຫລາຍຢ່າງກໍຕາມ, ແຕ່ການຜະລິດກະສິກຳຍັງຄົງເປັນປົກກະຕິ, ດັດຊະນີການຜະລິດອຸດສາຫະກຳໃນ 8 ເດືອນກໍເພີ່ມຂຶ້ນ 5,3%, ການສົ່ງອອກຮັກສາທ່າເຕີບໂຕສູງກວ່າແຜນການ ດ້ວຍວົງເງິນສົ່ງອອກໃນ 8 ເດືອນ ບັນລຸເກືອບ 85 ຕື້ USD,ເພີ່ມຂຶ້ນເກືອບ 15% ເມື່ອທຽບໃສ່ໄລຍະດຽວກັນຂອງປີກາຍ. ບັນດານະໂຍບາຍກ່ຽວກັບການຮັບປະກັນຊີວິດສັງຄົມ ແລະ ສະຫວັດດີການສັງຄົມສືບຕໍ່ໄດ້ຮັບປະກັນ. ກ່າວຄຳເຫັນສະຫລຸບກອງປະຊຸມ, ທ່ານນາຍົກລັດຖະມົນຕີ ຫງວຽນເຕີນຢູງ ສະເຫນີບັນດາກະຊວງ, ຂະແຫນງການ, ທ້ອງຖິ່ນຕ່າງໆ ສືບຕໍ່ຢືດໝັ້ນປະຕິບັດບັນດາຄາດໝາຍຮັກສາເສດຖະກິດມະຫາພາກ, ຄວບຄຸມໄພເງິນເຟີ້, ຮັກສາລະດັບຈະເລີນເຕີບໂຕຢ່າງເໝາະສົມຕິດພັນກັບການຮັບປະກັນຊີວິດສັງຄົມ.
ກອງປະຊຸມປະຈຳເດືອນສິງຫາຂອງລັດຖະບານ
ພາບ:internet
|
ແລະ ກໍໃນຕອນບ່າຍວັນດຽວກັນ, ຢູ່ຮ່າໂນ້ຍ, ທ່ານ ຫວູດືກດາມ, ຫົວຫນ້າຫ້ອງວ່າການລັດຖະບານ ເປັນປະທານການປະຊຸມປະຈຳເດືອນ 8/2013 ຂອງລັດຖະບານ. ຕອບຄຳຖາມຂອງນັກຂ່າວກ່ຽວກັບບັນຫາ: ຜັນຂະຫຍາຍແຜນຮ່າງສັງລວມສ້າງໂຄງປະກອບພື້ນຖານເສດຖະກິດຄືນໃຫມ່, ຫັນປ່ຽນຮູບແບບການຈະເລີນເຕີບໂຕ, ສ້າງໂຄງປະກອບການລົງທຶນພາກລັດຄືນໃຫມ່, ສ້າງໂຄງປະກອບລັດວິສາຫະກິດຄືນໃຫມ່, ສ້າງບັນດາອົງການສີນເຊື່ອຄືນໃຫມ່ ສືບຕໍ່ໄດ້ຮັບຄວາມເອົາໃຈໃສ່ປະຕິບັດຄືແນວໃດ? ທ່ານລັດຖະມົນຕີ, ຫົວຫນ້າຫ້ອງວ່າການລັດຖະບານ ຫວູດືກດາມ ໃຫ້ຮູ້ວ່າ: ທີ່ວາລະປະຊຸມຄັ້ງນີ້, ລັດຖະບານໄດ້ຮຽກຮ້ອງໃຫ້ບັນດາກະຊວງ, ຂະແຫນງການ, ທ້ອງຖິ່ນຕ່າງໆຕ້ອງປະຕິບັດບັນດາມາດຕະການຊຸກຍູ້ການລົງທຶນຢ່າງຄົບຊຸດ ພ້ອມທັງກວດກາເພື່ອເພີ່ມສະມັດຕະພາບບາງຂະແຫນງການ, ຂົງເຂດ; ປະຕິບັດບັນດາມາດຕະການແກ້ໄຂຄວາມຫຍຸ້ງຍາກໃຫ້ແກ່ການຜະລິດດຳເນີນທຸລະກິດຕາມມະຕິເລກທີ 02, ຍູ້ໄວການຜັນຂະຫຍາຍບ້ວງເງິນ 30.000 ຕື້ດົ່ງເພື່ອຫນູນຊ່ວຍດ້ານເຮືອນຢູ່ສັງຄົມ, ຮີບເຮັ່ງມີກົນໄກເໝາະສົມເພື່ອໃຫ້ບໍລິສັດຄຸ້ມຄອງຊັບສິນຂອງບັນດາອົງການສິນເຊື່ອເຂົ້າຮ່ວມ ແລະ ເສີມຂະຫຍາຍບົດບາດໃນການແກ້ໄຂຫນີ້ເສຍ. ສູ້ຊົນບັນລຸລະດັບຈະເລີນເຕີບໂຕ GDP ໃຫ້ໄດ້ 5,4% ໃນປີ 2013, ທ່ານລັດຖະມົນຕີ ຫວູດືກດາມ ເວົ້າວ່າ:
“ບັນດາກຸ່ມບໍລິສັດແຫ່ງລັດ ພຽງສຸມໃສ່ເຂົ້າໃນຂະແຫນງອາຊີບຕົ້ນຕໍ. ທັດສະນະຂອງລັດຖະບານແມ່ນຮັກສາລັດວິສາຫະກິດ ເພື່ອເຮັດການບໍລິການ, ພັດທະນາບາງຂະແຫນງການຜະລິດທີ່ມີຄວາມຈຳເປັນໃຫ້ແກ່ປະເທດຊາດ ຫາກບໍ່ແມ່ນຮັກສາລັດວິສາຫະກິດໄວ້. ກ່ຽວກັບດ້ານພື້ນຖານ, ບັນດາລັດວິສາຫະກິດໄດ້ຮັບການສ້າງຕັ້ງຫລືສືບຕໍ່ຮັກສາໄວ້ນັ້ນແມ່ນເພື່ອປະຕິບັດຫນ້າທີ່ດັ່ງກ່າວ.”