ຮອງນາຍົກລັດຖະມົນຕີ ຫວູດືກດາມ ໃນການພົບປະກັບບັນດາຜູ້ແທນເຂົ້າຮ່ວມກອງປະຊຸມ
(vovworld) – ລັດຖະບານ ຫວຽດນາມ ຍາມໃດກໍ່ສ້າງເງື່ອນໄຂທີ່ດີເພື່ອໃຫ້ບັນດານັກວິທະຍາສາດຄົ້ນຄ້ວາ, ພັດທະນາ ວິທະຍາສາດ - ເຕັກໂນໂລຢີ - ທ່ານຮອງນາຍົກລັດຖະມົນຕີ ຫວູດຶກດາມ ໄດ້ຢັ້ງຢືນຄືແນວນັ້ນທີ່ພິທີໄຂກອງປະຊຸມພົບປະ ຫວຽດນາມ ຄັ້ງທີ 12, ທີ່ດຳເນີນໃນຕອນເຊົ້າວັນທີ 7/7, ຢູ່ນະຄອນ ກູຍເຍີນ, ແຂວງ ບີ່ງດິງ. ທ່ານຮອງນາຍົກລັດຖະມົນຕີ ກໍ່ເນັ້ນໜັກວ່າ: ວິທະຍາສາດເຕັກໂນໂລຢີແມ່ນກຳລັງໜູນສຳຄັນທີ່ສຸດໃຫ້ແກ່ການພັດທະນາແບບຍືນຍົງ ແລະ ອາດຈະຊ່ວຍບັນດາປະເທດພວມພັດທະນາຄື ຫວຽດນາມ ບືນຕົວຂຶ້ນເພື່ອຮັດແຄບຊ່ອງຫວ່າງກັບບັນດາປະເທດພັດທະນາ:
“ມີຄວາມເຫັນຖືວ່າບັນດາປະເທດຄື ຫວຽດນາມ ຄວນສຸມໃສ່ເຂົ້າການນຳໃຊ້ວິທະຍາສາດ ແລະ ເຕັກໂນໂລຢີ, ສ່ວນການຄົ້ນຄ້ວາວິທະຍາສາດພື້ນຖານແມ່ນວຽກງານຂອງອະນາຄົດ, ແມ່ນວຽກງານຂອງບັນດາປະເທດພັດທະນາ. ແຕ່ລັດຖະບານ ຫວຽດນາມ ບໍ່ຄິດຄືແນວນັ້ນ. ລັດຖະບານ ຫວຽດນາມ ຍາມໃດກໍ່ມີທັດສະນະວ່າ: ວິທະຍາສາດແມ່ນພື້ນຖານ, ຕ້ອງໄດ້ຮັບຄວາມເອົາໃຈໃສ່ລົງທຶນ ແລະ ລົງທຶນໃຫ້ວິທະຍາສາດພື້ນຖານແມ່ນການລົງທຶນໃຫ້ພື້ນຖານ, ແມ່ນການລົງທຶນໃຫ້ແກ່ການເພີ່ມທະວີກຳລັງຄວາມສາມາດແຫ່ງຊາດ.”