(vovworld) - ຕອນຄໍ່າວັນທີ 18 ກັນຍາ, ຢູ່ນະຄອນຫຼວງວຽງຈັນ, ທ່ານລັດຖະມົນຕີກະຊວງຕຳຫຼວດຫວຽດນາມ, ພົນເອກ ເຈີນດ້າຍກວາງ, ໄດ້ເຂົ້າຮ່ວມພິທີລົງນາມມອບຂອງຂວັນຮັບປະກັນຊີວິດສັງຄົມໃຫ້ແກ່ລັດຖະບານລາວ, ໂດຍທະນາຄານຫຸ້ນສ່ວນລົງທຶນ ແລະ ພັດທະນາຫວຽດນາມ (BIDV) ອຸປະຖຳ. ທີ່ພິທີລົງນາມ, ທະນາຄານ BIDV ໄດ້ມອບມຸ້ງ, ຜ້າຫົ່ມຈຳນວນ 15 ພັນຊຸດ ແລະ ເງິນ 100.000 USD ໃຫ້ແກ່ກອງທຶນປ້ອງກັນ, ຕ້ານໄຂ້ປ່າຂອງລາວ, ພ້ອມທັງມອບຄອມພິວເຕີ້ຈຳນວນ 2.000 ຊຸດ ໃຫ້ແກ່ສູນກາງຊາວໜຸ່ມປະຊາຊົນປະຕິວັດລາວ. ສະນັ້ນ, ໄລ່ແຕ່ປີ 2008 ມາຮອດປະຈຸບັນ, BIDV ໄດ້ໜູນຊ່ວຍການຮັບປະກັນຊີວິດສັງຄົມຂອງລາວ ຈຳນວນເງິນ 8,5 ລ້ານ USD, ຕົ້ນຕໍ່ແມ່ນບັນດາຂະແໜງສາທາລະນະສຸກ, ສຶກສາ ແລະ ຄອບຄົວທຸກຍາກ.
ແລະກໍ່ໃນວັນດຽວກັນ, ທ່ານລັດຖະມົນຕີກະຊວງຕຳຫຼວດ ເຈີນດ້າຍກວາງ ພ້ອມກັບຄະນະປະຕິບັດງານ ໄດ້ໄປຢ້ຽມຢາມທະນາຄານຮ່ວມທຸລະກິດຫວຽດນາມ - ລາວ, ເຊິ່ງແມ່ນວິສາຫະກິດທີ່ເປັນແບບຢ່າງໃນການຮ່ວມມືດ້ານເສດຖະກິດຢ່າງມີປະສິດທິຜົນກັບລາວ.