ລັດຖະມົນຕີກະຊວງການຕ່າງປະເທດອາເມລິກາຢ້ຽມຢາມອີຢິບ
ທ່ານລັດຖະມົນຕີກະຊວງການຕ່າງປະເທດ John Kerry
ພົບປະກັບທ່ານປະທານາທິບໍດີ ອີຢິບ Abdel Fattah al – Sisi
(ພາບ: AP)
(vovworld) - ວັນທີ 18/05, ທ່ານລັດຖະມົນຕີກະຊວງການຕ່າງປະເທດອາເມລິກາ John Kerry ມາຮອດນະຄອນຫລວງ Cairo ພົບປະກັບທ່ານປະທານາທິບໍດີ ອີຢິບ Abdel Fattah al – Sisi ໃນຄວາມມານະພະຍາຍາມຟື້ນຟູວິວັດທະນາການສັນຕິພາບຢູ່ຕາເວັນອອກກາງ. ກ່ອນໜ້ານັ້ນ, ວັນທີ 17/05, ໃນບົດກ່າວປາໄສທີ່ອອກອາກາດທາງໂທລະພາບ, ທ່ານ Sisi ກະຕຸກຊຸກຍູ້ ອິດສະຣາແອນ ແລະ ປາແລັດສະຕິນ ຮັບເອົາ “ກາລະໂອກາດແທ້ຈິງ”, ພ້ອມທັງຊົມເຊີຍຂໍ້ຕົກລົງສັນຕິພາບລະຫວ່າງ ອີຢິບ ກັບ ອິດສະລາແອນ ເຊິ່ງໄດ້ລົງນາມເມື່ອປີ 1979. ພາຍຫລັງກ່າວບົດປາໄສດັ່ງກ່າວ, ທ່ານລັດຖະມົນຕີກະຊວງການຕ່າງປະເທດ ອາເມລິກາ John Kerry ຢາກໄດ້ຮັບຟັງໂດຍກົງຄວາມເຫັນຂອງທ່ານປະທານາທິບໍດີ Sisi ກ່ຽວກັບແຜນການ ລະອຽດຂອງບົດບາດເປັນກາງ ເຊິ່ງ ອີຢິບ ເຊິ່ງຄາດວ່າ ຈະຮັບຜິດຊອບ ເພື່ອແນໃສ່ແກ້ໄຂການປະທະກັນນີ້. ຝ່າຍ ອາເມລິກາ ເນັ້ນໜັກວ່າ: ວິທີໜຶ່ງດຽວ ເພື່ອຢຸດຕິການປະທະກັນລະຫວ່າງ ອິດສະຣາແອນ ແລະ ປາແລັດສະຕິນ ແມ່ນຜ່ານການເຈລະຈາຕາມມາດຕະການ 2 ປະເທດດຳລົງຊີວິດຮ່ວມກັນດ້ວຍບັນດາເສັ້ນຊາຍແດນໄດ້ຮັບການຮັບຮອງ.