(vovworld) – ການຕອບຄຳຊັກຖາມດຳເນີນໄປໃນຂອບເຂດວາລະປະຊຸມຄັ້ງທີ 31 ຄະນະປະຈຳສະພາແຫ່ງຊາດ ຊຸດທີ 13 (22/9 – 2/10). ເນື້ອໃນຊັກຖາມລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມແມ່ນຄວາມຮັບຜິດຊອບຄຸ້ມຄອງລັດສຳລັບການຂຸດຄົ້ນຊັບພະຍາກອນ, ແຮ່ທາດຕິດພັນກັບການປົກປັກຮັກສາສີ່ງແວດລ້ອມ, ລະດັບຄວາມຄືບໜ້າປະຕິບັດການວາງແຜນຜັງທີ່ດິນ, ໝາກຜົນແຫ່ງການຜັນຂະຫຍາຍການມອບດິນ ແລະ ອອກໃບຢັ້ງຢືນສິດນຳໃຊ້ທີ່ດິນ, ສະພາບການນຳໃຊ້ທີ່ດິນຟຸມເຟືອຍ.
ຜູ້ວ່າການທະນາຄານແຫ່ງລັດຈະເຮັດໃຫ້ຈະແຈ້ງຕໍ່ໜ້າຄະນະປະຈຳສະພາແຫ່ງຊາດກ່ຽວກັບການປະຕິບັດນະໂຍບາຍເງິນຕາ, ສ້າງໂຄງປະກອບລະບົບທະນາຄານການຄ້າຄືນໃໝ່, ໝາກຜົນແຫ່ງການແກ້ໄຂໜີ້ເສຍປະກອບສ່ວນຮັກສາເສດຖະກິດມະຫາພາກເປັນປົກກະຕິ, ຄວບຄຸມໄພເງິນເຟີ້ໃນໄລຍະຜ່ານມາ, ເລື່ອງສະໜອງທຶນສິນເຊື່ອໃຫ້ແກ່ພື້ນຖານເສດຖະກິດ, ຮັບປະກັນການເຕີບໂຕເສດຖະກິດໃນປີ 2014 – 2015.
ແລະກໍ່ໃນທີ່ວາລະປະຊຸມຄັ້ງທີ 31 ນີ້, ຄະນະປະຈຳສະພາແຫ່ງຊາດຈະປະກອບຄຳເຫັນໃສ່ຮ່າງມະຕິກ່ຽວກັບການເຂົ້າຮ່ວມກຳລັງຮັກສາສັນຕິພາບໂລກ, ເລື່ອງອະນຸມັດຜ່ານສົນທິສັນຍາຂອງ ສປຊ ກ່ຽວກັບສິດທິຄົນພິການ, ເລື່ອງໃຫ້ສັດຕະຍາບັນສົນທິສັນຍາຕ້ານການທູບຕີທໍລະມານ. . .