ທ່ານລັດຖະມົນຕີກະຊວງປ້ອງກັນປະເທດອາເມລິກາ Lloyd Austin (ພາບ: AP)

ໃນອາທິດນີ້, ທ່ານລັດຖະມົນຕີກະຊວງປ້ອງກັນປະເທດອາເມລິກາ Lloyd Austin ໄປ ເອີລົບ ເພື່ອເຂົ້າຮ່ວມກອງປະຊຸມລັດຖະມົນຕີປ້ອງກັນປະເທດ ອົງການສົນທິສັນຍາມະຫາສະໜຸດອັດລັງຕິກເໜືອ (NATO) ແລະ ປະຕິບັດການຢ້ຽມຢາມຢູ່ບາງເຂດທາງທິດຕາເວັນອອກຂອງ NATO. ກ່າວຄຳເຫັນຕໍ່ນັກຂ່າວ, ທ່ານເລຂາສື່ມວນຊົນທຳນຽບ 5 ແຈ John Kirby, ໃຫ້ຮູ້ວ່າ ທ່ານ Lloyd Austin ໄດ້ໄປ ບຣຸກແຊນ, ປະເທດ ແບນຊິກ ໃນວັນທີ 15 ມີນາ ເພື່ອປຶກສາຫາລືກັບພັນທະມິດ NATO ກ່ຽວກັບທຸກຢ່າງທີ່ພວມປະຕິບັດດ້ວຍຖານະພັນທະມິດ ເພື່ອແນໃສ່ປັບປຸງ ແລະ ໜູນຊ່ວຍຄວາມສາມາດຫ້າມປາມຂອງ NATO ຢູ່ເຂດທາງທິດຕາເວັນອອກ. ຖັດຈາກນັ້ນ, ທ່ານຈະໄປ ສະໂລວາກີ ແລະ ບຸນກາຣີ ເພື່ອພົບປະກັບບັນດາການນຳດ້ານການທະຫານ ແລະ ພົນລະເຮືອນຂັ້ນສູງປະເທດເຈົ້າພາບ.