ລັດຖະມົນຕີກະຊວງປ້ອງກັນປະເທດຈີນຢ້ຽມຢາມສັນທະວະໄມຕີຫວຽດນາມ
2 ຄະນະຜູ້ແທນກະຊວງປ້ອງກັນປະເທດຂອງ ຫວຽດນາມ ແລະ ຈີນໄດ້ດຳເນີນການເຈລະຈາ |
(vovworld)- ໂດຍໄດ້ຮັບຄຳເຊີນຈາກທ່ານຟຸ່ງກວາງແທງ ລັດຖະມົນຕີກະຊວງປ້ອງກັນປະເທດຫວຽດນາມ, ທ່ານໂພນໂທ ຖາງອວານແຈວນ ລັດຖະມົນຕີກະຊວງປ້ອງກັນປະເທດຈີນ, ກຳມະການໃນຄະນະລັດຖະບານຈີນໄດ້ມາຢ້ຽມຢາມສັນທະວະໄມຕີຫວຽດນາມແຕ່ວັນທີ 27 ຫາວັນທີ 31/3/2016. ຕອນເຊົ້າວັນທີ 27/3, 2 ຄະນະຜູ້ແທນກະຊວງປ້ອງກັນປະເທດຂອງ ຫວຽດນາມ ແລະ ຈີນໄດ້ດຳເນີນການເຈລະຈາ. ລັດຖະມົນຕີກະຊວງປ້ອງກັນປະເທດທັງ 2 ໄດ້ແລກປ່ຽນກ່ຽວກັບການພົວພັນລະຫວ່າງ 2 ປະເທດ, ການຮ່ວມມືດ້ານປ້ອງກັນຊາດໃນຊຸມປີທີ່ຜ່ານມາ. ພິເສດ ລັດຖະມົນຕີກະຊວງປ້ອງກັນປະເທດທັງ 2 ໄດ້ແລກປ່ຽນກ່ຽວກັບການຂັດແຍ້ງບົນທະເລທີ່ສົ່ງຜົນສະທ້ອນເຖິງການພົວພັນຂອງ 2 ປະເທດ ແລະ ເນັ້ນໜັກວ່າ 2 ຝ່າຍສືບຕໍ່ແກ້ໄຂ ການຂັດແຍ້ງບົນທະເລດ້ວຍມາດຕະການໂດຍສັນຕິວິທີ, ມິດຕະພາບ, ເຄົາລົບກົດໝາຍສາກົນ, ປະຕິບັດ DOC ຢ່າງເຂັ້ມງວດ ແລະ ກ້າວໄປເຖິງການສ້າງ COC . ສ້າງທະເລຕາເວັນອອກກາຍເປັນເຂດທະເລແຫ່ງສັນຕິພາບ, ມິດຕະພາບ ແລະ ການຮ່ວມມື.
ເນື່ອງໃນໂອກາດນີ້, ລັດຖະມົນຕີກະຊວງປ້ອງກັນປະເທດ ທັງ 2 ໄດ້ເປັນສັກຂີພິຍານພິທີລົງນາມໃນບົດບັນທຶກຄວາມເຂົ້າໃຈກ່ຽວກັບການຮ່ວມມືໃນຂົງເຂດເຂົ້າຮ່ວມກຳລັງຮັກສາສັນຕິພາບຂອງສະຫະປະຊາຊາດລະຫວ່າງກະຊວງປ້ອງກັນປະເທດຂອງ 2 ປະເທດ. ແລະ ກໍເນື່ອງໃນໂອກາດນີ້, ລັດຖະມົນຕີກະຊວງປ້ອງກັນປະເທດ ທັງ 2 ຈະເປັນປະທານການເຄື່ອນໄຫວພົບປະແລກປ່ຽນມິດຕະພາບກຳລັງປ້ອງກັນຊາດຊາຍແດນ ຫວຽດນາມ-ຈີນຄັ້ງທີ 3 ຢູ່ແຂວງລ້າງເຊີນ(ຫວຽດນາມ) ແລະ ແຂວງກວາງສີຂອງຈີນແຕ່ວັນທີ 28 ຫາວັນທີ 31/3.