ລັດຖະມົນຕີກະຊວງປ້ອງກັນປະເທດອາເມລິກາ ເລີ່ມຕົ້ນການໄປປະຕິບັດງານຢູ່ອາຊີ ໃນ ວັນທີ 15 ມີນາ
(VOVWORLD) -ວັນທີ 13 ມີນາ ລັດຖະມົນຕີກະຊວງປ້ອງກັນປະເທດ ອາເມລິກາ ທ່ານ Lloyd Austin ໄດ້ແຈ້ງວ່າ: ຈະເດີນທາງໄປປະຕິບັດງານ ຢູ່ ອາຊີ ເພື່ອຊຸກຍູ້ການຮ່ວມມືດ້ານການທະຫານກັບບັນດາປະເທດພັນທະມິດຂອງ ວໍຊິງຕັນ.
ນີ້ແມ່ນການໄປປະຕິບັດງານທຳອິດຂອງທ່ານ ໃນຖານະແມ່ນການນຳກະຊວງປ້ອງກັນປະເທດ ອາເມລິກາ. ຕາມແຜນການ ທ່ານ Austin ຈະໄປຢ້ຽມຢາມ ຍີ່ປຸ່ນ, ສເກົາຫລີ ແລະ ອິນເດຍ. ຄາດວ່າ ຮ່ວມເດີນທາງກັບທ່ານ Austin ຍັງມີທ່ານ Antony Blinken ລັດຖະມົນຕີການຕ່າງປະເທດ ອາເມລິກາ. ການໄປປະຕິບັດງານ ອາຊີ ຂອງການນຳຂະແຫນງການທູດ ແລະ ການປ້ອງກັນປະເທດ ອາເມລິກາ ດຳເນີນພາຍຫລັງກອງປະຊຸມສຸດຍອດ ທາງອອນລາຍທຳອິດ ຂອງກຸ່ມ 4 ປະເທດ ລວມມີ ອາເມລິກາ, ອິນເດຍ, ອົດສະຕາລີ ແລະ ຍີ່ປຸ່ນ ເພື່ອປຶກສາຫາລືບັນດາບັນຫາພາກພື້ນ ແລະ ທົ່ວໂລກຊື່ງຕ່າງຝ່າຍຕ່າງມີຄວາມສົນໃຈ.