ລັດຖະມົນຕີກະຊວງປ້ອງກັນປະເທດອາເມລິກາກ່າວຫາຈີນກໍ່ຂາດຄວາມສະຖຽນລະພາບຢູ່ທະເລຕາເວັນອອກ
ທ່ານ Chuck Hagel
photo:AFP
|
(vovworld)- ວັນທີ 31/5, ກ່າວຄຳເຫັນທີ່ກອງປະຊຸມ Shangri- La 13, ທ່ານ Chuck Hagel, ລັດຖະມົນຕີກະຊວງປ້ອງກັນປະເທດ ອາເມລິກາ ຍົກອອກສານກົງໄປກົງມາເຖິງຈີນ ຜ່ານຄະນະຜູ້ແທນການທະຫານຂັ້ນສູງຂອງ ປັກກີງ ຢູ່ ກອງປະຊຸມ Shangri- La 13 ວ່າ: ໃນຊຸມເດືອນມໍ່ໆມານີ້, ຈີນ ໄດ້ປະຕິບັດບັນດາການກະທຳລຳພັງຝ່າຍດຽວ ກໍ່ຄວາມຂາດສະຖຽນລະພາບ, ທວງເອົາອະທິປະໄຕຢູ່ທະເລຕາເວັນອອກ ” ພ້ອມທັງຖະແຫລງວ່າ: ອາເມລິກາ ຈະບໍ່ເມີນເສີຍເມື່ອບັນດາຫລັກການພື້ນຖານຂອງຄວາມເປັນລະບຽບຮຽບຮ້ອຍສາກົນຖືກສິ່ງທ້າທາຍ”. ທ່ານ Hagel ຖະແຫລງວ່າ: ວໍຊິງຕັນ“ເດັດດ່ຽວຄັດຄ້ານບໍ່ວ່າປະເທດໃດນຳໃຊ້ມາດຕະການນາບຂູ່, ບັງຄັບຫລື ນາບຂູ່ການໃຊ້ກຳລັງອາວຸດເພື່ອທວງເອົາອະທິປະໄຕ. ທ່ານ Hagel ເນັ້ນຫນັກວ່າ: ບັນດາຄຳໝັ້ນສັນຍາຂອງອາເມລິກາ ສຳລັບບັນດາປະເທດພັນທະມິດ ແລະ ເພື່ອນມິດຢູ່ ອາຊີ ພ້ອມທັງຮຽກຮ້ອງຊອກຫາມາດຕະການສັນຕິໃຫ້ແກ່ຄວາມຂັດແຍ້ງໃນສາກົນ.
ຈີນສະແດງປະຕິກິລິຍາຫຍໍ້ທໍ້ເມື່ອຖືກກ່າວປະນາມທີ່ກອງປະຊຸມ Shangri la
ທ່ານນາງຟູອີງ
(ພາບ: wordpress)
ຕໍ່ໜ້າເລື່ອງຖືກຕຳນິຕິຕຽນນັບແຕ່ວາລະໄຂກອງປະຊຸມ Shangri la ກ່ຽວກັບການກະທຳເກາະຜິດກັບບັນດາປະເທດບ້ານໃກ້ເຮືອນຄຽງໃນໄລຍະຜ່ານມາ, ຈີນ ໄດ້ອອກສຽງສະແດງປະຕິກິລິຍາທີ່ຫຍໍ້ທໍ້, ຊອກຫາວິທີຖີ້ມໂທດໃຫ້ແກ່ປະເທດອື່ນໆ ເພື່ອປົກປິດບັນດາການກະທຳທີ່ຜິດເຂວຂອງຕົນ. ຕາມນັກຂ່າວ VOV ປະຈຳປັກກິງ, ທ່ານນາງຟູອີງ ອະດີດຮອງລັດຖະມົນຕີການຕ່າງປະເທດ, ຜູ້ຕາງໜ້າຝ່າຍຈີນ ເຂົ້າຮ່ວມກອງປະຊຸມໄດ້ຕຳນິຕິຕຽນຍີ່ປຸ່ນ ໃນບັນຫາຂັດແຍ້ງອະທິປະໄຕຢູ່ເຂດໝູູ່ເກາະ Senkaku/ຕຽວອີ້.
ໃນຂະນະນັ້ນ, ວັນທີ 31/5, ສຳນັກຂ່າວສານຊີນຮົວ ໄດ້ຄັດສະເໜີຄຳເວົ້າຂອງທ່ານນາງຟູອີງ ດ້ານໜຶ່ງໄດ້ຢ້ຳຄືນຖ້ອຍທຳນອງເກົ່າຂະນະທີ່ຖືວ່າ “ຄວາມເຄັ່ງຕຶງໃນທະເລຕາເວັນອອກຫວ່າງມໍ່ໆມານີ້ແມ່ນຍ້ອນການກະທຳເກາະຜິດຂອງບາງປະເທດ“ ແລະ ດ້ານໜຶ່ງໄດ້ສະແດງໃຫ້ເຫັນທ່າທີປອງດອງກັບອາເມລິກາ ດ້ວຍການສະແດງຄວາມປາດຖະໜາຢາກຮ່ວມມືກັບອາເມລິກາ ເພື່ອແບ່ງປັນຜົນປະໂຫຍດລວມໃນພາກພື້ນ. ຈີນຫວັງວ່າ: ລີລາການປາກເວົ້າຂອງທ່ານນາງຟູອີງ ແລະ ທັດສະນະແຂງກະດ້າງຂອງທ່ານຫວາງແຈນຈຸງ ອາດຈະປົກປິດບັນດາການກະທຳທີ່ຜິດພາດຂອງຈີນ, ລະອຽດແມ່ນເລື່ອງຈີນໄດ້ ຕັ້ງຮ້ານເຈາະນ້ຳມັນໄຮຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫ່ລທະຫວີບຂອງຫວຽດນາມ./.