( vovworld ) - ວັນທີ 4/6, ທ່ານລັດຖະມົນຕີການຕ່າງປະເທດຫວຽດນາມ Pham Binh Minh ໄດ້ມີການພົບປະກັບທ່ານລັດຖະມົນຕີກະຊວງປ້ອງກັນປະເທດອາເມລິກາ Leon Edward Panetta ເນື່ອງໃນໂອກາດທ່ານມາຢ້ຽມຢາມຫວຽດນາມ. ນະທີ່ນີ້, ສອງຝ່າຍໄດ້ແລກປ່ຽນກ່ຽວກັບບັນດາບັນຫາສອງຝ່າຍ ແລະ ພາກພື້ນທີ່ຕ່າງຝ່າຍຕ່າງມີຄວາມສົນໃຈ. ທ່ານລັດຖະມົນຕີການຕ່າງປະເທດ Pham Binh Minh ຕີລາຄາສູງຕໍ່ການຮ່ວມມືຢ່າງຕັ້ງໜ້າລະຫວ່າງສອງປະເທດໃນໄລຍະທີ່ຜ່ານມາໃນການຊອກຫາອັດຖິທະຫານຜ່ານເສິກອາເມລິກາ ທີ່ຫາຍສາບສູນໃນປາງສົງຄາມ, ພ້ອມກັນນັ້ນກໍສະເໜີໃຫ້ລັດຖະບານອາເມລິກາ ປະກອບສ່ວນຢ່າງຕັ້ງໜ້າເຂົ້າໃນການແກ້ໄຂຜົນຮ້າຍຢ້ອນຫຼັງຈາກສົງຄາມ, ພິເສດແມ່ນໃນບັນຫາເກັບກູ້ລະເບີດບໍ່ທັນແຕກ, ກຳຈັດທາດພິດສີສົ້ມດີໂອຊີນ ແລະ ຊ່ວຍເຫຼືອຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ. ທ່ານລັດຖະມົນຕີການຕ່າງປະເທດຫວຽດນາມ ແລະ ທ່ານລັດຖະມົນຕີກະຊວງປ້ອງກັນປະເທດອາເມລິກາ ໄດ້ຢືນຢັນວ່າ ຈະສືບຕໍ່ຮ່ວມມືໃນຫຼາຍຂົງເຂດ, ໃນນັ້ນມີບັນຫາຄວາມປອດໄພໃນການເດີນທະເລຢູ່ທະເລຕາເວັນອອກ, ປົກປັກຮັກສາແຫຼ່ງນ້ຳ ແລະ ພັດນະນາແບບຍືນຍົງລຽບຕາມລຳແມ່ນ້ຳຂອງ
ພາຫານະສື່ມວນຊົນອາເມລິກາ ໄດ້ຕີລາຄາການຢ້ຽມຢາມຫວຽດນາມ ຄັ້ງນີ້ຂອງທ່ານລັດຖະມົນຕີກະຊວງປ້ອງກັນປະເທດອາເມລິກາ ແມ່ນສັນຍາລັກທີ່ຈະແຈ້ງກ່ຽວກັບການເພີ່ມທະວີການຮ່ວມມືຢ່າງເລິກເຊິ່ງກວ້າງຂວາງລະຫວ່າງຫວຽດນາມ ແລະ ອາເມລິກາ. ທ່ານລັດຖະມົນຕີກະຊວງປ້ອງກັນປະເທດ Leon Edward Panetta ສະແດງໃຫ້ເຫັນລະດັບຄວາມສຳຄັນຂອງການຢ້ຽມຢາມຄັ້ງນີ້, ພ້ອມກັນນັ້ນກໍປາດຖະໜາຢາກປັບປຸງສາຍພົວພັນກັບຫວຽດນາມ. ທ່ານລັດຖະມົນຕີກະຊວງປ້ອງກັນປະເທດອາເມລິກາ ຊີ້ແຈງວ່າ.
“ ສົງຄາມຢູ່ຫວຽດນາມ ສວມບົດບາດສຳຄັນ, ບໍ່ພຽງແຕ່ແມ່ນບັນດາບົດຮຽນເຊິ່ງອາເມລິກາ ຖອດຖອນມາໄດ້ຈາກສົງຄາມເທົ່ານັ້ນ ຫາກໃນສົງຄາມນັ້ນອາເມລິກາ ຕ້ອງມີຄວາມຮັບພິດຊອບສູງກວ່າ ແລະ ຕ້ອງເຂົ້າຮ່ວມໃນວິວັດການຮຳບາດແຜສົງຄາມດ້ວຍການປັບປຸງການພົວພັນກັບຫວຽດນາມ”.