ການວາງລະບີດຢູ່ Damascus
(ພາບ: AFP/TTXVN )
(vovworld) –ວັນທີ 24/8, ລັດຖະມົນຕີການຕ່າງປະເທດບັນດາປະເທດອາຣັບ ສັງກັດກຸ່ມພົວພັນກັບສາກົນກ່ຽວກັບຊີຣີ ໄດ້ປຶກສາຫາລືກ່ຽວກັບການປະທະກັນຢູ່ປະເທດຕາເວັນອອກກາງນີ້, ໃນສະພາບການທີ່ລັດທິຫົວຮຸນແຮງພວມແຜ່ຂະຫຍາຍ ອອກສູ່ພາກພື້ນຢ່າງກ້ວາງຂວາງ. ນອກຈາກນັ້ນ, ກອງປະຊຸມຍັງປຶກສາຫາລືກ່ຽວກັບບັນດາການຜັນແປຫຼ້າສຸດຢູ່ຊີຣີ ແລະ ບັນດາການກະທົບຂອງວິກິການນີ້ໃນພາກພື້ນ ແລະ ໂລກ. SPA ໃຫ້ຮູ້ວ່າ: ທີ່ການປຶກສາຫາລືລັບຄັ້ງຕ່າງໆຈັດຂຶ້ນທີ່ນະຄອນແຄມທະເລ Jeddah ຂອງອາຣາບີ ຊາອຸດີ, ທ່ານລັດຖະມົນຕີການຕ່າງປະເທດປະເທດເຈົ້າພາບ Saul Al Faisal ພອ້ມກັບບັນດາຄູ່ຕຳແໜ່ງອີຢີບ, UAE, ກາຕາ ໄດ້ເຫັນດີເປັນເອກະສັນກ່ຽວກັບຄວາມຈຳເປັນຕ້ອງສົມທົບກັນຢ່າງເຂັ້ມງວດເພື່ອແນໃສ່ແກ້ໄຂວິກິດການຢູ່ຊີຣີ ແລະ ບັນດາສິ່ງທ້າທາຍສຳລັບການຮັກສາຄວາມສະຫງົບປອດໄພ ແລະ ສະຖຽນລະພາບຢູ່ບັນດາປະເທດອາຣັບ./.