ທ່ານ ຟ້າມບີງມິງ ມີການພົບປະ 2 ຝ່າຍກັບທ່ານ Sigmar Gabriel
(ພາບ: TTXVN)
(vovworld) - ຕອນທ່ຽງວັນທີ 16/02, ພາຍຫລັງໄປຮອດນະຄອນ Bonn ຂອງ ເຢຍລະມັນ ເຂົ້າຮ່ວມກອງປະຊຸມລັດຖະມົນຕີກະຊວງການຕ່າງປະເທດກຸ່ມ G20, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີງມິງ ມີການພົບປະ 2 ຝ່າຍກັບທ່ານ Sigmar Gabriel ລັດຖະມົນຕີກະຊວງການຕ່າງປະເທດປະເທດເຈົ້າພາບ. ກ່ຽວກັບການພົວພັນ 2 ຝ່າຍ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີງ ມິງ ແລະ ທ່ານລັດຖະມົນຕີກະຊວງການຕ່າງປະເທດ Sigmar Gabriel ເຫັນດີເປັນເອກະພາບຈະຊີ້ນຳ 2 ກະຊວງການຕ່າງປະເທດ ຫວຽດນາມ ແລະ ເຢຍລະມັນ ສືບຕໍ່ຊຸກຍູ້ການພົວພັນ 2 ປະເທດພັດທະນານັບມື້ນັບເລິກເຊິ່ງກ້ວາງຂວາງ, ແທດຈິງກ່ວາອີກ, ພິເສດແມ່ນກ່ຽວກັບດ້ານການຄ້າ, ການລົງທຶນ, ການສຶກສາ, ການທ່ອງທ່ຽວ, ເຕັກໂນໂລຢີ…ເນື່ອງໃນໂອກາດນີ້, ທ່ານຮອງນາຍົກລັດຖະມົນຕີ ຟ້າມບີງມິງ ສະເໜີຝ່າຍ ເຢຍລະມັນ ຊຸກຍູ້ ອີຢູ ສຳເລັດກວດການິຕິກຳ ເພື່ອເຊັນສັນຍາການຄ້າເສລີ ຫວຽດນາມ - ອີຢູ (EVFTA) ໃນປີ 2017 ໂດຍໄວ, ຮັບຮອງເອົາກົດລະບຽບເສດຖະກິດການຕະຫລາດຢ່າງຄົບຖ້ວນໃຫ້ ຫວຽດນາມ ພ້ອມກັບໄລຍະເວລາເຊັນ EVFTA.
2 ຝ່າຍລ້ວນແຕ່ເຫັນດີເປັນເອກະສັນໂດຍຖືວ່າ: ໂຄງການດຳເນີນງານ ແລະ ບັນດາບຸລິມະສິດຂອງ G20 ແລະ APEC ປີນີ້ມີຈຸດຄ້າຍຄືກັນຫລາຍຢ່າງ, ດັ່ງນັ້ນ ເລື່ອງເພີ່ມທະວີການຮ່ວມມື ແລະ ສົມທົບນະໂຍບາຍລະຫວ່າງ G20 ແລະ APEC ແມ່ນຈຳເປັນທີ່ສຸດ, ພິເສດ ແມ່ນສະພາບການໂລກ ແລະ ພາກພື້ນໃນປະຈຸບັນເພື່ອແນໃສ່ຮັກສາສັນຕິພາບ, ສະຖຽນລະພາບ ແລະ ຊຸກຍູ້ການພັດທະນາແບບຍືນຍົງ, ຮ່ວມສຳພັນ ແລະ ຫັນການຄ້າເປັນເສລີ.
ທ່ານຮອງນາຍົກລັດຖະມົນຕີ ຟ້າມບີງມິງ ສະເໜີ ເຢຍລະມັນ ແລະ ອີຢູ ສືບຕໍ່ມີທັດສະນະຢ່າງແຮງ ເພື່ອສະໜັບສະໜູນແກ້ໄຂການຂັດແຍ້ງກັນດ້ວຍບັນດາມາດຕະການສັນຕິພາບບົນພື້ນຖານກົດໝາຍສາກົນ, ໃນນັ້ນມີສົນທິສັນຍາຂອງ ສປຊກ່ຽວກັບກົດໝາຍວ່າດ້ວຍທະເລ (UNCLOS 1982) ປະກອບສ່ວນຢ່າງຕັ້ງໜ້າຮັບປະກັນຄວາມເສລີ ແລະ ຄວາມໝັ້ນຄົງສະຫງົບປອດໄພ, ທາງທະເລ, ທາງອາກາດຢູ່ພາກພື້ນ.