ທ່ານ ລັດຖະມົນຕີ ອວາງອີ ແລະ ທ່ານ Fumio Kishida
(ພາບ: chinadailyasia.com)
(vovworld) – ໃນຂອບເຂດການຢ້ຽມຢາມ ຈີນ, ຕອນເຊົ້າວັນທີ 30/4, ຢູ່ນະຄອນຫຼວງ ປັກກິງ, ທ່ານ Fumio Kishida, ລັດຖະມົນຕີວ່າການກະຊວງການຕ່າງປະເທດ ຍີ່ປຸ່ນ ໄດ້ເຈລະຈາກັບຄູ່ຕຳແໜ່ງປະເທດເຈົ້າພາບ ອວາງອີ. ກ່າວຄຳເຫັນທີ່ການເຈລະຈາ, ທ່ານ ລັດຖະມົນຕີ ອວາງອີ ເນັ້ນໜັກວ່າ: ການພົວພັນ ຈີນ - ຍີ່ປຸ່ນ ຕ້ອງອີງໃສ່ຄວາມເຄົາລົບປະຫວັດສາດ, ເຄົາລົບບັນດາຄຳໝັ້ນສັນຍາ ແລະ ການຮ່ວມມືແທນທີ່ການປະທະກັນ. ປັກກິງ ພ້ອມແລ້ວທີ່ພັດທະນາບາງການພົວພັນທີ່ປອດໃສ ແລະ ສະຖຽນລະພາບກັບ ໂຕກຽວ. ທ່ານ ອວາງອີ ສະແດງຄວາມຫວັງຕໍ່ການຢ້ຽມຢາມຈີນ ຂອງທ່ານ ລັດຖະມົນຕີກະຊວງການຕ່າງປະເທດ ຍີ່ປຸ່ນ Fumio Kishida ຈະສວມບົດບາດສຳຄັນໃນການພັດທະນາການພົວພັນ ຈີນ - ຍີ່ປຸ່ນ ໃຫ້ແທດຈິງ. ສ່ວນທ່ານ Fumio Kishida ສະແດງຄວາມປາດຖະໜາຢາກໃຫ້ 2 ຝ່າຍມີການຢ້ຽມຢາມການເມືອງຂັ້ນສູງຫຼາຍກ່ວາອີກ.
ນີ້ແມ່ນການຢ້ຽມຢາມ ຈີນ ຄັ້ງທຳອິດຂອງທ່ານ Fumio Kishida ໃນຖານະເປັນລັດຖະມົນຕີວ່າການກະຊວງການຕ່າງປະເທດນັບແຕ່ເມື່ອຮັບດຳລົງຕຳແໜ່ງກ່ອນນີ້ 3 ປີ, ນີ້ກໍ່ແມ່ນການຢ້ຽມຢາມ ຈີນ ເປັນທາງການຄັ້ງທຳອິດຂອງລັດຖະມົນຕີວ່າການກະຊວງການຕ່າງປະເທດ ຍີ່ປຸ່ນ ໃນກ່ວາ 4 ປີຜ່ານມາ.