ລັດ​ຖະ​ມົນ​ຕີ​ການ​ຕ່າງ​ປະ​ເທດ ອາ​ເມ​ລິ​ກາ John Kerry ກ່າວ​ຄຳ​ເຫັນ​ໃນ​ການ​ຢ້ຽມ​ຢາມ​ໂມງ​ກົນ ພາບ:nld.com.vn

(vovworld)- ວັນ​ທີ 5/6, ລັດ​ຖະ​ມົນ​ຕີ​ການ​ຕ່າງ​ປະ​ເທດ ອາ​ເມ​ລິ​ກາ John Kerry ໄດ້​ເດີນ​ທາງ​ໄປ​ຢ້ຽມ​ຢາມ ໂມງ​ກົນ. ກ່າ​ວ​ຄຳ​ເຫັນ​ຕໍ່​ວົງ​ການ​ນັກ​ຂ່າວ ຢູ່ Ulan Bator, ລັດ​ຖະ​ມົນ​ຕີ ການ​ຕ່າງ​ປະ​ເທດ ອາ​ເມ​ລິ​ກາ ຖະ​ແຫລງວ່າ ຖ້າ​ຫາກ​ຈີນ ສ້າງ​ເຂດ​ປ້ອງ​ກັນ​ທາງ​ອາ​ກາດ (ADIZ) ຢູ່ ທະ​ເລ​ຕາ​ເວັນ​ອອກ, ວ​ໍ​ຊິງ​ຕັນ ຈະ​ຖື​ວ່ານີ້​ແມ່ນ​ການ​ກະ​ທຳ “ເກາະ​ຜິດ ແລະ ກໍ່​ໃຫ້​ເກີດ​ສະ​ພາບ​ຂາດ​ສະ​ຖຽນ​ລະ​ພາບ”. ຄຳ​ກ່າວ​ປາ​ໄສ​ດັ່ງ​ກ່າວ​ຂອງ ທ່ານ Kerryແມ່ນ​ຍົກ​ອອກ​ກ່ອນ​ທີ່​ດຳ​ເນີນ​ການ​ເຈ​ລະ​ຈາ​ຍຸດ​ທະ​ສາດ ແລະ ເສດ​ຖະ​ກິດ​ປະ​ຈຳ​ປີ ລະ​ຫວ່າງ ອາ​ເມ​ລິ​ກາ ແລະ​ຈີນ ຊື່ງ​ຄາດ​ວ່າ​ຈະ​ດຳ​ເນີນ​ຢູ່ ປັກ​ກີ່ງ. ທ່ານ Kerrry ໄດ້​ເນັ້ນ​ຫນັກ​ຢ່າງ​ແຮງວ່າ ການ​ກະ​ທຳ​ຄື​ດັ່ງ​ກ່າວ​ຂອງ​ຈີນ ຈະ​ກໍ່​ຄວາມ​ເຄັ່ງ​ຕຶງ​ຕໍ່​ກັບ​ບັນ​ດາ​ປະ​ເທດອື່ນ​ຢູ່ ອາ​ຊີ​ ພ້ອມ​ທັງ​ກໍ່​ຄວາມ​ສົງ​ໃສ​ກ່ຽວ​ກັບ​ຄຳ​ໝັ້​ນ​ສັນ​ຍາ​ຂອງ​ຈີນ ສຳ​ລັບ​ການ​ແກ້​ໄຂ​ຄວາມ​ຂັດ​ແຍ້ງ​ອະ​ທິ​ປະ​ໄຕ​ຜືນ​ແຜ່ນ​ດິນ​ດ້ວຍ​ມາດ​ຕະ​ການ​ທາງ​ການ​ທູດ. ໃນ​ຂອບ​ເຂດ​ການ​ຢ້ຽມ​ຢາມ​ໂມງ​ກົນ, ຄາດ​ວ່າ ທ່ານ Kerry  ຈະ​ພົບ​ປະ​ກັບ​ປະ​ທາ​ນາ​ທິ​ບໍ​ດີ ປະ​ເທດ​ເຈົ້າ​ພາບ ແລະ ເລີ່ມ​ຕົ້ນ​ໂຄງ​ການ​ຊ່ວຍ​ເຫລືອ​ໃຫມ່​ຂອງ ອາ​ເມ​ລິ​ກາ.