ລັດຖະມົນຕີຄົນໃໝ່ກະຊວງປ້ອງກັນປະເທດອາເມລິກາຢ້ຽມຢາມອາບການິສະຖານ
ທະຫານອາເມລິກາຢູ່ອາບການິສະຖານ (ພາບ : AP) |
(vovworld)- ວັນທີ 21/2, ລັດຖະມົນຕີຄົນໃໝ່ຂອງກະຊວງປ້ອງກັນປະເທດອາເມລິກາ Ashton Carter ໄດ້ໄປຮອດ ກາບຸນ ປະເທດ ອາບການິສະຖານ ຊຶ່ງເປັນການຢ້ຽມຢາມບໍ່ແຈ້ງລ່ວງໜ້າ. ທ່ານ ລັດຖະມົນຕີຄົນໃໝ່ຂອງກະຊວງປ້ອງກັນປະເທດອາເມລິກາ Ashton Carter ໃຫ້ຮູ້ວ່າ ເຫດຜົນທີ່ທ່ານທຳການຢ້ຽມຢາມອາບການິສຖານໃນອາທິດທຳອິດພາຍຫຼັງໄດ້ດຳລົງຕຳແໜ່ງເປັນ ລັດຖະມົນຕີຂອງກະຊວງປ້ອງກັນປະເທດອາເມລິການັ້ນ, ແມ່ນຍ້ອນຍັງມີທະຫານອາເມລິກາ 10.000 ຄົນຕັ້ງທັບຢູ່ນີ້. ການຢ້ຽມຢາມຂອງ ລັດຖະມົນຕີຄົນໃໝ່ຂອງກະຊວງປ້ອງກັນປະເທດອາເມລິກາ Ashton Carter ໄດ້ດຳເນີນໃນສະພາບທີ່ປະທານາທິບໍດີອາເມລິກາ Barack Obama ພວມຊັງຊາກ່ຽວກັບຕາຕະລາງຫຼຸດຜ່ອນຈຳນວນພົນທະຫານອາເມລິກາຢູ່ອາບການິສະຖານ. ຕາມແຜນການແລ້ວ, ຮອດທ້າຍປີ 2016, ຈຳນວນທະຫານຂອງອາເມລິກາຢູ່ປະເທດນີ້ ຈະພຽງແຕ່ຖືກຈຳກັດໃນຈຳນວນເພື່ອປົກປັກຮັກສາສະຖານທູດອາເມລິກາປະຈຳກາບຸນເທົ່ານັ້ນ.