ລັດຖະມົນຕີປ້ອງກັນປະເທດຫວຽດນາມສະເຫນີຈີນຈົ່ງລະງັບໃຈ,ບໍ່ນຳໃຊ້ອາວຸດກໍ່ຜົນສະທ້ອນບໍ່ດີເຖິງນ້ຳໃຈມິດຕະພາບ
ພົນເອກ ຟູ່ງກວາງແທງລັດຖະມົນຕີກະຊວງປອ້ງກັນປະເທດຫວຽດນາມ ແລະ ຄູ່ຕຳແຫນ່ງ ພົນໂທຈາງວັນແຈງ
ພາບ:thethaovietnam
|
(vovworld) - ຕອນບ່າຍວັນທີ 20/5, ຢູ່ນອກກອງປະຊຸມລັດຖະມົນຕີປ້ອງກັນປະເທດບັນດາປະເທດ ອາຊຽນ ຄັ້ງທີ 8(ADMM - 8) ພວມດຳເນີນໄປຢູ່ນະຄອນຫລວງ Nay Pyi Taw ປະເທດມຽນມາ, ພົນເອກ ຟູ່ງກວາງແທງ, ກຳມະການກົມການເມືອງ, ລັດຖະມົນຕີກະຊວງປອ້ງກັນປະເທດຫວຽດນາມ ໄດ້ມີການພົບປະສອງຝ່າຍກັບຄູ່ຕຳແຫນ່ງຈີນ ທ່ານພົນໂທຈາງວັນແຈງ ທີ່ການພົບປະ, ສອງຝ່າຍໄດ້ແລກປ່ຽນບາງບັນຫາ, ພິເສດ ແມ່ນການຮ່ວມມືປ້ອງກັນຊາດລະຫວ່າງສອງປະເທດ. ເຖິງວ່າ ປະຈຸບັນ ຝ່າຍຈີນພວມຕັ້ງຮ້ານເຈາະນ້ຳມັນໄຮ່ຢາງ 981 ຢ່າງຜິດກົດໝາຍຢູ່ເຂດເສດຖະກິດຈຳເພາະ ແລະ ໄຫລ່ທະວີບຂອງຫວຽດນາມ, ເຮັດໃຫ້ພາກພື້ນວິຕົກກັງວົນ, ຫາງສຽງຢູ່ຫວຽດນາມ ຂັດໃຈ. ທ່ານພົນເອກ ຟຸ່ງກວາງແທງ ໄດ້ແລກປ່ຽນຢ່າງກົງໄປກົງມາກັບບັນດາຝ່າຍຈີນ ວ່າ: ທັດສະນະຂອງຫວຽດນາມ ແມ່ນຕໍ່ສູ້ເພື່ອປົກປັກຮັກສາອະທິປະໄຕໂດຍສັນຕິວິທີ, ເພື່ອແນໃສ່ຮັກສາສະຖຽນລະພາບ, ຄວາມໝັ້ນຄົງ, ຄວາມປອດໄພເດີນທະເລ, ການເດີນອາກາດຢູ່ທະເລຕາເວັນອອກ. ທ່ານພົນເອກ ຟຸ່ງກວາງແທງ ສະເຫນີຝ່າຍຈີນ ຈ່ົງລະງັບໃຈ, ບໍ່ນຳໃຊ້ກຳປັ່ນປືນໃຫຍ່, ກຳປັ່ນລູກສອນໄຟ, ເຮືອບິນ, ບໍ່ຕຳແລະ ສິດນ້ຳໃສ່ບັນດາກຳປັ່ນຂອງຫວຽດນາມ ທີ່ພວມປະຕິບັດຫນ້າທີ່ຢູ່ທະເລຕາເວັນອອກ, ອັນໄດ້ກໍ່ຜົນສະທ້ອນບໍ່ດີເຖິງນຳ້ໃຈມິດຕະພາບລະຫວ່າງປະຊາຊົນສອງປະເທດ. ຫວຽດນາມ ປົກປັກຮັກສາອະທິປະໄຕຜືນແຜ່ນດິນ ກໍຄືຮັກສາສັນຕິພາບ, ສະຖຽນລະພາບດ້ານການເມືອງ ແລະ ສັງຄົມພາຍໃນປະເທດ, ສືບຕໍ່ສ້າງຄວາມສາມັກຄີມິດຕະພາບກັບຈີນ ຕາມເນື້ອໃນຈິດໃຈຄູ່ຮ່ວມມືຍຸດທະສາດຮອບດ້ານເພື່ອພັດທະນາເສດຖະກິດສັງຄົມ.