ທ່ານ ຢ່າງແຊວຝື, ລັດຖະມົນຕີ, ຫົວໜ້າຄະນະກຳມະການຊົນເຜົ່າ
(ພາບປະກອບ)
(vovworld) - ຕອນເຊົ້າວັນທີ 5/4, ຄະນະປະຕິບັດງານຂອງຄະນະກຳມະການຊົນເຜົ່າ ໂດຍທ່ານ ຢ່າງແຊວຝື, ລັດຖະມົນຕີ, ຫົວໜ້າຄະນະກຳມະການຊົນເຜົ່ານຳໜ້າ, ໄດ້ມີການເຮັດວຽກກັບຄະນະຊີ້ນຳເຂດຕາເວັນຕົກພາກໃຕ້ກ່ຽວກັບສະພາບການຊົນເຜົ່າ ແລະ ການປະຕິບັດນະໂຍບາຍຊົນເຜົ່າເຂດຕາເວັນຕົກພາກໃຕ້. ທີ່ການເຮັດວຽກ, ທ່ານ ຢ່າງແຊວຝື ສະເໜີໃນໄລຍະຈະມາເຖິງ, ເຂດຕາເວັນຕົກພາກໃຕ້ ຄວນເອົາໃຈໃສ່ເຖິງການປະກາດໃຊ້ບັນດານະໂຍບາຍກ່ຽວກັບການລົບລ້າງຄວາມອຶດຫີວ ຫຼຸດຜ່ອນຄວາມທຸກຍາກ, ກໍ່ສ້າງຊົນນະບົດໃໝ່ຂອງເຂດ. ເອົາໃຈໃສ່ເປັນພິເສດເຖິງການຍົກສູງລະດັບຄວາມຮູ້ຂອງຊາວຊົນເຜົ່າ. ບັນດາແຂວງຄວາມເອົາໃຈໃສ່ເຖິງບັນຫາພະນັກງານຊົນເຜົ່າ, ສ້າງວຽກເຮັດງານທຳ ແລະ ດຶງດູດນັກສຶກສາ, ຖັນແຖວປັນຍາຊົນແມ່ນຄົນຊົນເຜົ່າສ່ວນໜ້ອຍເຂົ້າໃນລະບົບການເມືອງຂອງທ້ອງຖີ່ນ. ສ່ວນນະໂຍບາຍກ່ຽວກັບທີ່ດິນທຳການຜະລິດ ແລະ ເຮືອນຢູ່ຄວນຕິດກັບສະພາບຕົວຈິງ ແລະ ຕອບສະໜອງຄວາມຕ້ອງການຂອງປະຊາຊົນ.