(vovworld) - ໃນລະຫວ່າງວັນທີ 6-8/5, ທ່ານ ເຈືອງກວາງເຫງັ້ຍ, ລັດຖະມົນຕີວ່າການກະຊວງຄົມມະນາຄົມຂົນສົ່ງ ພ້ອມກັບຜູ້ສະໝັກເລືອກຕັ້ງອີກ 03 ທ່ານ ໄດ້ພົບປະກັບຜູ້ມີສິດເລືອກຕັ້ງບັນດາເມືອງ ເວິນໂຮ່, ໂມກເຈົາ, ຟູ່ອຽນ, ບັກອຽນ, ແຂວງ ເຊີນລາ. ທ່ານການພົບປະ, ປະຊາຊົນປາຖະໜາວ່າ, ບັນດາຜູ້ທີ່ໄດ້ຮັບເລືອກຕັ້ງເປັນສະມາຊິກສະພາແຫ່ງຊາດ ຈະສືບຕໍ່ເປັນເສນາທິການ, ສະເໜີຕໍ່ສະພາແຫ່ງຊາດ, ລັດຖະບານ, ບັນດາກະຊວງ, ຂະແໜງການສູນກາງຄົ້ນຄ້ວາ, ພິຈາລະນາ, ປະກາດນະໂຍບາຍພິເສດ, ໜູນຊ່ວຍບັນດາແຂວງ ໄຕບັກກ່ຽວກັບການພັດທະນາໂຄງລ່າງ ແລະ ຮັບປະກັບຊີວິດສັງຄົມ. ພິເສດ, ແມ່ນເອົາໃຈໃສ່ເຖິງນະໂຍບາຍຕ່າງໆເຊັ່ນ: ການພັດທະນາເຂດປູກຕົ້ນໄມ້ເປັນຢາຢູ່ເມືອງ ເວິນໂຮ່; ຜັນຂະຫຍາຍການປະຕິບັດແຜນກຳນົດເຂດຊົນນະບົດນຳໃຊ້ເຕັກໂນໂລຢີສູງຢູ່ເມືອງໂມກເຈົາ. ທ່ານ ເຈືອງກວາງເຫງັ້ຍ, ລັດຖະມົນຕີວ່າການກະຊວງຄົມມະນາຄົມຂົນສົ່ງ ພ້ອມກັບຜູ້ສະໝັກເລືອກຕັ້ງອີກ 03 ທ່ານ ໄດ້ໃຫ້ຄຳໝັ້ນສັນຍາວ່າ, ຖ້າຫາກໄດ້ຮັບເລືອກຕັ້ງເປັນສະມາຊິກສະພາແຫ່ງຊາດ ຈະພະຍາຍາມປະຕິບັດບົດບາດໜ້າທີ່ຂອງສະມາຊິກສະພາແຫ່ງຊາດເປັນຢ່າງດີ, ມີຄຳເຫັນປັບປຸງ, ເພີ່ເຕີມກົດໝາຍ, ປະກາດໃຊ້ບັນດານະໂຍບາຍໃໝ່ໃຫ້ເໝາະສົມກັບບັນດາແຂວງໃນເຂດພູດອຍ ແລະ ເຂດຊາຍແດນ.