(ທ່ານພົນເອກ ເຈີ່ນດ້າຍກວາງ ຕ້ອນຮັບ ທ່ານ Hiroshi Fukada
ເອກອັກຄະລັດຖະທູດ ຍີ່ປຸ່ນ ປະູຈຳ ຫວຽດນາມ)
(vovworld) – ຕອນບ່າຍວັນທີ 23/11, ຢູ່ຮ່າໂນ້ຍ, ທ່ານພົນເອກ ເຈີ່ນດ້າຍກວາງ ລັດຖະມົນຕີວ່າການກະຊວງຕຳຫລວດ ຫວຽດນາມ ໄດ້ໃຫ້ການຕ້ອນຮັບທ່ານ Hiroshi Fukada ເອກອັກຄະລັດຖະທູດວິສາມັນຜູ້ມີອຳນາດເຕັມ ຍີ່ປຸ່ນ ປະູຈຳ ຫວຽດນາມ ແລະ ທ່ານ Mori Mutsuya ຫົວໜ້າຜູ້ຕາງໜ້າອົງການຮ່ວມມືສາກົນ ຍີ່ປຸ່ນ ປະຈຳ ຫວຽດນາມ. ກ່າວຄຳເຫັນທີ່ພິທີຕ້ອນຮັບ, ທ່ານລັດຖະມົນຕີ ເຈີ່ນດ້າຍກວາງ ປາດຖະໜາວ່າ: ໃນໄລຍະຈະມາເຖິງ, ກະຊວງຕຳຫລວດ ຫວຽດນາມ ແລະ ອົງການຮ່ວມມືສາກົນ ຍີ່ປຸ່ນ ຈະຊຸກຍູ້ການພົວພັນຮ່ວມມືກ່ວາອີກ ພິເສດແມ່ນໃນບັນດາຂົງເຂດຄື: ຮັບປະກັນຄວາມເປັນລະບຽບຮຽບຮ້ອຍຄວາມປອດໄພໃນການຄົມມະນາຄົມ; ການປ້ອງກັນຕ້ານອັກຄີໄພ, ກູ້ໄພກູ້ຊີບ. ພິເສດໃນຂົງເຂດບຳລຸງສ້າງ, ຝຶກຊ້ອມ, ຍົກສູງກຳລັງຄວາມສາມາດ ແລະ ຫັນກຳລັງຕຳຫລວດປ້ອງກັນຕ້ານອັກຄີໄພ ແລະ ກູ້ໄພກູ້ຊີບຂອງ ຫວຽດນາມ ເປັນທັນສະໄໝ. ທ່ານ Hiroshi Fukada ເອກອັກຄະລັດຖະທູດວິສາມັນຜູ້ມີອຳນາດເຕັມ ຍີ່ປຸ່ນ ປະູຈຳ ຫວຽດນາມ ແລະ ທ່ານ Mori Mutsuya ຫົວໜ້າຜູ້ຕາງໜ້າອົງການຮ່ວມມືສາກົນ ຍີ່ປຸ່ນ ປະຈຳ ຫວຽດນາມ ເຊື່ອໝັ້ນວ່າ: ການພົວພັນຮ່ວມມືຢ່າງຕັ້ງໜ້າລະຫວ່າງ ອົງການຮ່ວມມືສາກົນ ຍີ່ປຸ່ນ ກັບ ກະຊວງຕຳຫລວດ ຫວຽດນາມ ຈະພັດທະນາຮອບດ້ານຢ່າງບໍ່ຢຸດຢັ້ງ, ບັນລຸໝາກຜົນອັນດີງາມຫລາຍຢ່າງ, ປະກອບສ່ວນສາຍພົວພັນລະຫວ່າງ 2 ປະເທດ ຫວຽດນາມ - ຢີ່ຢຸ່ນ ເລິກເຊິ່ງຕື່ມອີກ.