ລັດຖະມົນຕີເຈີ່ນດ້າຍກວາງຕ້ອນຮັບເອກອັກຄະລັດຖະທູດອາເມລິກາ
|
(vovworld) – ຕອນບ່າຍວັນທີ 30/1, ທີ່ສຳນັກງານກະຊວງຕຳຫຼວດ, ທ່ານພົນເອກ ເຈີ່ນດ້າຍກວາງ, ລັດຖະມົນຕີວ່າການກະຊວງຕຳຫຼວດ ໄດ້ໃຫ້ການຕ້ອນຮັບເອກອັກຄະລັດຖະທູດ ວິສາມັນຜູ້ມີອຳນາດເຕັມ ອາເມລິກາ ທ່ານ Theodore G. Osius. ທີ່ການຕ້ອນຮັບ, ທ່ານລັດຖະມົນຕີ ເຈີ່ນດ້າຍກວາງ ໄດ້ອວຍພອນໃຫ້ເອກອັກຄະລັດຖະທູດ ອາເມລິກາ Theodore G. Osius ປະຕິບັດໜ້າທີ່ການທູດຢູ່ ຫວຽດນາມ ສຳເລັດຜົນ, ປະກອບສ່ວນປັບປຸງ ແລະ ພັດທະນາການພົວພັນລະຫວ່າງ 2 ປະເທດໃນທຸກຂົງເຂດ, ໃນນັ້ນມີການພົວພັນຮ່ວມມືລະຫວ່າງກະຊວງຕຳຫຼວດ ຫວຽດນາມ ແລະ ບັນດາອົງການປະຕິບັດກົດໝາຍຂອງ ອາເມລິກາ.
ແລະກໍ່ໃນຕອນບ່າຍວັນດຽວກັນ, ທ່ານລັດຖະມົນຕີ ເຈີ່ນດ້າຍກວາງ ໃຫ້ການຕ້ອນຮັບທ່ານ Micheal Center, ຜູ້ທີ່ປຶກສາປ້ອງກັນຄວາມສະຫງົບສະຫະປະຊາຊາດ ປະຈຳ ຫວຽດນາມ. ນະທີ່ນີ້, ທ່ານ ເຈີ່ນດ້າຍກວາງ ເນັ້ນໜັກວ່າ: ໃນໄລຍະຜ່ານມາ, ບັນດາຫົວໜ່ວຍຮັບຜິດຊອບຂອງກະຊວງຕຳຫຼວດ ຫວຽດນາມ ແລະ ຄະນະປ້ອງກັນຄວາມສະຫງົບ, ຄວາມປອດໄພຂອງ ສປຊ ໄດ້ສົມທົບກັນຢ່າງແໜ້ນແຟ້ນ, ມີປະສິດທິຜົນ, ປົກປັກຮັກສາຄວາມສະຫງົບ, ຄວາມປອດໄພໃຫ້ບັນດາພາລະກອນ ແລະ ສຳນັກງານຂອງອົງການ ສປຊ ປະຈຳ ຫວຽດນາມ. ທ່ານລັດຖະມົນຕີຫວັງວ່າ: 2 ຝ່າຍສືບຕໍ່ຊຸກຍູ້ການພົວພັນສົມທົບກັນປະຕິບັດງານ, ເພີ່ມທະວີການແບ່ງປັນບັນດາຂໍ້ມູນຂ່າວ, ສ້າງຕັ້ງບັນດາກົນໄກຮ່ວມມື 2 ຝ່າຍ, ຫຼາຍຝ່າຍ, ຮັບປະກັນຄວາມສະຫງົບ, ປອດໄພໃຫ້ບັນດາລາຍການ ແລະ ການເຄື່ອນໄຫວຂອງ ສປຊ ເຊິ່ງ ຫວຽດນາມ ແມ່ນສະມາຊິກ.