ລັດຖະສະພາ ເອີລົບ ສະໜັບສະໜູນທັດສະນະເຈລະຈາຢ່າງແໜ້ນແຟ້ນກັບອັງກິດ
(VOVWORLD) -ວັນທີ 12 ກຸມພາ, ລັດຖະສະພາເອີລົບ (EP) ໄດ້້ເຫັນດີເປັນເອກະພາບວ່າ ສະຫະພາບເອີລົບ (EU) ຄວນຮັກສາທັດສະນະເຈລະຈາຢ່າງແໜ້ນແຟ້ນກັບອັງກິດ, ພິເສດແມ່ນໄດ້ເນັ້ນໜັກເຖິງການຮັບປະກັນບັນດາກ່ຳປັ່ນຫາປາຂອງ EU ຍັງຄົງມີສິດໄດ້ສຳຜັດກັບບັນດາເຂດທະເລຂອງ ອັງກິດ ແລະ ຮັກສາບົດບາດຂອງສານຍຸຕິທຳເອີລົບ (ECJ).
ລົດບັນທຸກໄປຍັງທ່າກ່ຳປັ່ນ Dover ຂຶ້ນກັບອັງກິດເພື່ອອອກຊ່ອງແຄບ Dover ໃນວັນທີ 1 ກຸມພາ 2020 (ພາບ: TTXVN)
|
ດ້ວຍບັດສະໜັບສະໜູນ 579 ບັດ ແລະ ບັດຄ້ານ 24 ບັດ, EP ໄດ້ຮັບຮອງເອົາບັນດາເນື້ອໃນພື້ນຖານຂອງ ເອກະສານມອບສິດ ເຈລະຈາ. ລາຍລະອຽດຂອງ ເອກະສານນີ້ຈະໄດ້ຮັບການປະຕິບັດຈາກ ຄະນະກຳມະການເອີລົບ (EC) ໃຫ້ສຳເລັດກ່ອນທີ່ການເຈລະຈາດ້ານການຄ້າກັບອັງກິດເລີ່ມແຕ່ເດືອນມີນາຈະມາເຖິງ. ບັນດາການເຈລະຈາ ຈະກຳນົດຮູບແບບການພົວພັນໃນອະນາຄົດ ລະຫວ່າງ EU ແລະ ອັງກິດ ໃນສະໄໝຫຼັງ Brexit.