ລັດລາວມອບຫຼຽນໄຊ ໃຫ້ແກ່ການນຳແນວໂຮມ ປະເທດຊາດຫວຽດນາມ
(ພາບປະກອບ)
( vovworld ) – ຕອນເຊົ້າວັນທີ 12/8, ຢູ່ຮ່າໂນ້ຍ, ໂດຍໄດ້ຮັບການມອບໝາຍຈາກການນຳພັກ, ລັດລາວ, ທ່ານ ພັນດວງຈິດ ວົງສາ, ປະທານຄະນະກຳມະການສູນກາງແນວລາວສ້າງຊາດ ໄດ້ມອບຫຼຽນໄຊອິດສະຫຼະ ຊື່ງແມ່ນຫຼຽນໄຊອັນສູງສົ່ງຂອງລັດລາວໃຫ້ແກ່ການນຳ, ອະດີດການນຳແນວໂຮມປະເທດຊາດຫວຽດນາມ ລວມ 14 ທ່ານ ຊື່ງໄດ້ອຸທິດສ່ວນຢ່າງໃຫ່ຍຫຼວງເຂົ້າໃນພາລະກິດສ້າງສາ ແລະ ເພິ່ມພູນຄູນສ້າງການພົວພັນມິດຕະພາບ ການຮ່ວມມືລະຫວ່າງສອງອົງການແນວໂຮມ, ສອງລັດ. ໃນນັ້ນ, ທ່ານ Huynh Dam ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ຮັບຫຼຽນໄຊອິດສະຫຼະຊັ້ນ 1. ທີ່ພິທີດັ່ງກ່າວ, ອະດີດການນຳຄະນະກຳມະການສູນກາງແນວໂຮມປະເທດຊາດຫວຽດນາມ 6 ທ່ານເປັນກຽດໄດ້ຮັບຫຼຽນໄຊແຮງງານຊັ້ນ 2 ແລະ ພະນັກງານ 31 ທ່ານໄດ້ຮັບຫຼຽນກາທີ່ລະນຶກ 60 ປີແຫ່ງວັນສ້າງຕັ້ງອົງການແນວລາວສ້າງຊາດ.
ໃນຕອນບາຍຂອງວັນດຽວກັນ, ທ່ານພັນດວງຈິດ ວົງສາ, ປະທານຄະນະກຳມະການສູນກາງແນວລາວສ້າງຊາດ ແລະ ທ່ານ ຢ່າງແຊວຝື, ປະທານຄະນະກຳມະການຊົນເຜົ່າ ໄດ້ລົງນາມໃນຂໍ້ຕົກລົງຮ່ວມມືໄລຍ 2012-2020 ຊື່ງຕາມນັ້ນ, ສອງຝ່າຍຈະເພີ່ມທະວີການໂຄສະນາສຶກສາ, ເຜີຍແຜ່ບັນດາແຜນນະໂຍບາຍ, ນະໂຍບາຍ, ກົດໝາຍຂອງສອງລັດກ້ຽວກັບວຽກງານຊົນເຜົ່າ, ປົກປັກຮັກສາສີສັນວັດທະນະອັນດີງາມຂອງທັງສອງຊາດ. ສອງຝ່າຍຕົກລົງກັນຈະປະຕິບັດບັນດາໂຄງການພັດທະນາເສດຖະກິດສັງຄົມດ້ວຍຫຼາຍຮູບການ, ເອົາໃຈໃສ່ເຖິງວຽກງານລົບລ້າງຄວາມອຶດຫີວ ຫລຸດຜ່ອນຄວາມທຸກຍາກຢູ່ເຂດຊົນເຜົ່າສ່ວນໜ້ອຍ.