(vovworld) - ວັນທີ 18/12, ກະຊວງປ້ອງກັນປະເທດລັດເຊຍ ໃຫ້ຮູ້ວ່າ, ປະເທດນີ້ພວມຈັດສົ່ງກອງກໍ່າປັ່ນໃໝ່ໄປຍັງທະເລເມດີເຕີຣາເນຍ ໃນສະພາບທີ່ການປະທະກັນຢູ່ຊີຣີພວມປີນຂັ້ນໃດ. ຕາມຖະແຫຼງການດັ່ງກ່າວ, ກອງກໍ່າປັ່ນທີ່ຂຶ້ນກັບກອງເຮືອຮົບ Baltic ນີ້ຈະປ່ຽນແທນໃຫ້ກຸ່ມກໍ່າປັ່ນຂອງກອງເຮືອຮົບ ທະເລດຳ ທີ່ພວມຕັ້ງທັບຢູ່ທີ່ນີ້ ແລະ ຈະດຳເນີນການຊ້ອມຮົບຕ່າງໆ. ແຕ່ວ່າຖະແຫຼງການດັ່ງກ່າວບໍ່ເຕື້ອງເຖິງຊີຣີ, ແຕ່ກ່ອນໜ້ານັ້ນ ບັນດາແຫຼ່ງຂ່າວທະຫານໄດ້ເປີດເຜີຍຕໍ່ສຳນັກຂ່າວສານ Interfax ວ່າ ບັນດາກໍ່າປັ່ນຂອງກອງທັບເຮືອລັດເຊຍ ສາມາດນຳໃຊ້ເພື່ອອົບພະຍົບພົນລະເມືອງນັບພັນຄົນຂອງປະເທດນີ້ອອກຈາກຊີຣີ ໃນກໍລະນີທີ່ສະພາບການໃນປະເທດຕາມເວັນອອກກາງນີ້ນັບມື້ນັບຊົ່ວຮ້າຍລົງ. ແລະ ກໍໃນວັນດຽວກັນ, ກະຊວງການຕ່າງປະເທດລັດເຊຍ ໄດ້ກ່າວເຕື່ອນພົນລະເມືອງຂອງປະເທດນີ້ບໍ່ຄວນໄປຍັງຊີຣີ ພາຍຫຼັງເກີດເຫດການພົນລະເມືອງລັດເຊຍ 2 ຄົນຖືກຈັບເປັນຕົວປະກັນເມື່ອວັນທີ 17/12. ໃນຄຳກ່າວເຕື່ອນທີ່ເຜີຍແຜ່ທາງອິນເຕີແນດ, ໄດ້ຊີ້ແຈ້ງວ່າ “ສະຖານທູດລັດເຊຍ ປະຈຳ ຊີຣີ ໄດ້ຜັນຂະຫຍາຍັນບັນດາມາດຕະການທີ່ຈຳເປັນເພື່ອສົມທົບກັບຊີຣີ ກູ້ເອົາບັນດາພົນລະເມືອງທີ່ຖືກຈັບເປັນຕົວປະກັນໃນທັນທີ່”.