(vovworld) - ໂລກນັບມື້ນັບມີຄວາມສົນໃຈຮ້ອນເຮັ່ງກ່ຽວຂ້ອງເຖິງປະຕິກິລິຍາທີ່ກົງກັນຂ້າມ ເຖິງຄວາມສາມາດແຊກແຊງດ້ານການທະຫານແນໃສ່ຊີຣີ. ເມື່ອຕອບສຳພາດຕໍ່ວົງການນັກຂ່າວ, ທ່ານລັດຖະມົນຕີກະຊວງປ້ອງກັນປະເທດຈີນ ຫວາງອີ ໃຫ່ຮູ້ວ່າ ປະຈຸບັນ ປັກກິງ ພວມຕິດຕາມບັນດາການຜັນແປ່ໃໝ່ຊຸດຍູ່ຊີຣີ, ພ້ອມທັງກະຕຸກຊຸກຍູ້ບັນດາຝ່າຍທີ່ກ່ຽວຂ້ອງຈົ່ງອຸ່ນອ່ຽງ ແລະ ລະງັບໃຈໃນວິກິດການ. ແລະກໍ່ໃນວັນດຽວກັນ, ກ່າວຄຳເຫັນໃນການພົບປະກັບທ່ານເລຂາທິການໃຫຍ່ສະຫະປະຊາຊາດ Ban Ki Moon ຢູ່ນະຄອນ La Hay, ປະເທດໂຮນລັງ, ທ່ານຮອງລັດຖະມົນຕີການຕ່າງປະເທດລັດເຊຍ Gennady Gatilov ໄດ້ຕຳນິຕິຕຽນບາງປະເທດປະກາດແຜນການບຸກໂຈມຕີດ້ານການທະຫານແນໃສ່ຊີຣີ ແມ່ນການກະທຳທ້າທາຍຕໍ່ກົດບັດສະຫະປະຊາຊາດ ກໍ່ຄືມາດຖານຕ່າງໆຂອງກົດໝາຍສາກົນ.
ໃນປະຕິກິລິຍາທຳອິດ, ວັນທີ 29 ສິງຫາ, ໂຄສົກສະພາປ້ອງກັນຄວາມສະຫງົບອາເມລິກາ, ທ່ານນາງ Caitlin Hayden ໃຫ້ຮູ້ວ່າປະທານາທິບໍດີ Barack Obama ຈະມີການກະທຳເພື່ອຮັບປະກັນຜົນປະໂຫຍດສູງສຸດຂອງອາເມລິກາ ໃນບັນຫາຊີຣີ.
ແລະກໍ່ໃນວັນດຽວກັນ, ທ່ານເລຂາທິການໃຫຍ່ສະຫະປະຊາຊາດ Ban Ki Moon ໃຫ້ຮູ້ວ່າ ທ່ານໄດ້ມີການເຈລະຈາທາງໂທລະສັບກັນທ່ານປະທານາທິບໍດີ Obama, ຮຽກຮ້ອງບັນດາປະເທດມະຫາອຳນາດ ບໍ່ຄວນຟ້າວຝັ່ງໃນການບຸກໂຈມຕີຊີຣີ ຈົນຮອດເວລາບັນດານັກສັງເກດການຂອງສະຫະປະຊາຊາດ ສຳເລັດໜ້າທີ່ຂອງເຂົາເຈົ້າ. ທ່ານ Ban Ki Moon ໃຫ້ຮູ້ວ່າ ບັນດານັກສັງເກດການຂອງສະຫະປະຊາຊາດ ຈະເດີນທາງອອກຈາກຊີຣີ ໃນວັນທີ 31 ສິງຫາ ແລະ ຫຼັງຈາກນັ້ນຈະຍື່ນສະເໜີໝາກຜົນຂອງການສືບສວນ.
ວັນທີ 29/8, ປະທານາທິບໍດີ ຊີຣີ Bashar Assad ຖະແຫລງວ່າ: ປະເທດນີ້ຈະປົກປ້ອງຕົນເອງຕ້ານຄືນບໍ່ວ່າການບຸກໂຈມຕີໃດຈາກພາຍນອກ. ກ່າວຄຳເຫັນທີ່ການຕ້ອນຮັບຄະນະຜູ້ແທນບັນດາເຈົ້າຫນ້າທີ່ ແລະ ຜູ້ແທນສະພາແຫ່ງຊາດ Yemen ພວມຢ້ຽມຢາມ Damaccus, ທ່ານ al Assad ຖືວ່າ: ບັນດາຄຳນາບຂູ່ປຸກລະດົມບັ້ນຮົບແຊກແຊງການທະຫານເຂົ້າຊີຣີ ພຽງແຕ່ເຮັດໃຫ້ຫລັກໝັ້ນຂອງຊີຣີເພີ່ມຄວາມຢືດໝັ້ນຂຶ້ນ. ໃນຂະນະນັ້ນ ລັດຖະມົນຕີກະຊວງປ້ອງກັນປະເທດ ຊີຣີ Fahd Jasem al Freij ໄດ້ກ່າວຫາບັນດາພວກກໍ່ການຮ້າຍໄດ້ຕັ້ງໃຈນຳໃຊ້ອາວຸດເຄມີ, ເຂັ່ນຂ້າແມ່ຍິງ ແລະ ເດັກນ້ອຍເພື່ອຍຸແຍ່ແກ່ດຶງການສະຫນັບສະຫນູນຈາກຝ່າຍຕາເວັນຕົກ, ລອກລວງຫາງສຽງ ເພື່ອພິສູດໃຫ້ເຫັນການກະທຳຂອງເຂົາເຈົ້າບໍ່ແມ່ນໂທດກຳ. ລັດຖະບານ ຊີຣີ ໄດ້ອອກສຽງຮັບປະກັນກັບ ອີຣານ, ລັດເຊຍ ແລະ ຈີນວ່າ: ເຂົາເຈົ້າບໍ່ນຳໃຂ້ອາວຸດເຄມີເພື່ອຕ້ານຄືນກຳລັງລຸກຮືຂຶ້ນ.
ໃນຂະນະນັ້ນ ບັນດາປະເທດກຳມະການປະຈຳສະພາຄວາມໝັ້ນຄົງ ສປຊ ໄດ້ຈັດການປະຊຸມເພ່ືອປຶກສາຫາລືກ່ຽວກັບສະພາບຄວາມເຄັ່ງຕຶງຢູ່ຊີຣີ ໃນສະຖານະການທີ່ອາເມລິກາ ແລະ ບັນດາປະເທດພັນທະມິດ ພວມຊັ່ງຊາການແຊກແຊງການທະຫານເຂົ້າຊີຣີ.