(vovworld) - ວັນທີ 15/5, ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov ຮຽກຮ້ອງໃຫ້ຝ່າຍຄ້ານ ຊີຣີ ສະໜັບສະໜູນຄວາມມານະພະຍາຍາມຂອງລັດເຊຍ ແລະ ອາເມລິກາ ໃນການຈັດຕັ້ງກອງປະຊຸມສາກົນເພື່ອແນໃສ່ຊອກຫາມາດຕະການຢຸດຕິສະພາບການໃຊ້ຄວາມຮຸນແຮງຢູ່ ຊີຣີ. ທ່ານລັດຖະມົນຕີການຕ່າງປະເທດ Sergei Lavrov ຢືນຢັນຄວາມສຳຄັນຂອງເລື່ອງທຸກໆຝ່າຍ “ສະແດງຄວາມສະໜັບສະໜູນຕໍ່ຂໍ້ລິເລີ່ມ ລັດເຊຍ - ອາເມລິກາ ຢ່າງຈະແຈ້ງເພື່ອປະຕິບັດຖະແຫຼງການຂອງກອງປະຊຸມ ເຊີແນວ, ປະເທດ ສະວິດ ເມື່ອເດືອນ 6/2012 ຢ່າງຄົບຖ້ວນ”. ພັນທະມິດຊົນຊາດ ຊີຣີ (SNC) ຝ່າຍຄ້ານຄາດວ່າຈະຈັດຕັ້ງກອງປະຊຸມຢູ່ Istanbul ປະເທດ ຕວກກີເມື່ອວັນທີ 23/5 ຈະມາເຖິງເພື່ອແນໃສ່ປຶກສາຫາລືກ່ຽວກັບຂໍ້ລິເລີ່ມ ລັດເຊຍ - ອາເມລິກາ ໃນການຈັດຕັ້ງກອງປະຊຸມສາກົນປຶກສາຫາລື ກ່ຽວກັບ ຊີຣີ. ຄວາມຈິງແລ້ວ, ຂໍ້ຕົກລົງຢູ່ ເຊີແນວ ບໍ່ທັນໄດ້ຮັບການປະຕິບັດເທື່ອຍ້ອນບັນດາຝ່າຍຍັງມີຄວາມບໍ່ລົງລອຍກັນກ່ຽວກັບການດຳລົງຕຳ່ແໜງຂອງທ່ານປາທານາທິບໍດີ ຊີຣີ Bashar Al Assad, ຜູ້ທີ່ຝ່າຍຄ້ານໄດ້ທວງໃຫ້ປະລະສິດອຳນາດ ແລະ ຖືວ່ານີ້ແມ່ນເງື່ອນໄຂຕັດສິນຊີ້ຂາດກ່ອນທີ່ດຳເນີນການເຈລາຈາ.