(vovworld) – ບັນດາປະເທດຝ່າຍຕາເວັນຕົກ ແມ່ນກຳມະການສະພາຄວາມໝັ້ນຄົງສະຫະປະຊາຊາດ ຍັງຄົງນຳໃຊ້ “2 ມາດຕະຖານ” ເມື່ອປຶກສາຫາລືກ່ຽວກັບບັນຫາ ຊີຣີ. ເມື່ອໃຫ້ຂໍ້ສັງເກດກ່ຽວກັບຮ່າງຖະແຫຼງການທີ່ສະພາຄວາມໝັ້ນຄົງສະຫະປະຊາຊາດ ພວມພິຈາລະນາ ທີ່ກ່ຽວຂ້ອງເຖິງສະພາບການຢູ່ນະຄອນ Homs ຂອງ ຊີຣີ, ກະຊວງການຕ່າງປະເທດ ລັດເຊຍ ຊີ້ແຈ້ງວ່າ: ນີ້ບໍ່ແມ່ນຄັ້ງທຳອິດໃນກອງປະຊຸມຂອງສະພາຄວາມໝັ້ນຄົງສະຫະປະຊາຊາດ ບັນດາປະເທດຝ່າຍຕາເວັນຕົກໄດ້ສະແດງທັດສະນະແນວຄິດຕາຍຕົວ ແລະ ຂາດພາວະວິໄສຄືແນວນັ້ນ ເມື່ອຕີລາຄາສະພາບການຢູ່ ຊີຣີ. ບັນດາປະເທດນີ້ບໍ່ຢາກກ່າວປະນາມບັນດາເຫດການກໍ່ການຮ້າຍຢູ່ ຊີຣີ, ຫາກຊອກວິທີແກ້ຄວາມໃຫ້ການກຳທຳຂອງບັນດາກຸ່ມປະກອບອາວຸດຝ່າຍຄ້ານຢູ່ປະເທດນີ້. ຖະແຫຼງການກະຊວງການຕ່າງປະເທດ ລັດເຊບ ຢືນຢັນ: ມົດສະກູ ຮຽກຮ້ອງໃຫ້ທຸກໆຝ່າຍທີ່ກ່ຽວຂ້ອງຕັ້ງໜ້າຊອກຫາມາດຕະການດ້ານການເມືອງ - ການທູດ ເພື່ອແກ້ໄຂການປະທະກັນຢູ່ ຊີຣີ, ໃນນັ້ນມີຂໍ້ລິເລີ່ມຂອງລັດເຊຍ ແລະ ອາເມລິກາ ທີ່ຍົກອອກມາເມື່ອວັນທີ 7/5 ຜ່ານມາ ກ່ຽວກັບການຈັດຕັ້ງກອງປະຊຸມສາກົນແນໃສ່ຊຸກຍູ້ການເຈລະຈາລະຫວ່າງພັກຝ່າຍຕ່າງໆຢູ່ປະເທດນີ້.