ລັດເຊຍ ຖືການພົວພັນ ດ້ານເສດຖະກິດກັບອາຊີ - ປາຊີຟິກແມ່ນບຸລິມະສິດ ອັນດັບໜຶ່ງ
(ທ່ານນາຍົກລັດຖະມົນຕີລັດເຊຍ Dmitry Medvedev)
(vovworld) – ກ່າວຄຳເຫັນທີ່ການພົບປະກັບບັນດາຜູ້ຕາງໜ້າດ້ານການຄ້າລັດເຊຍ, ວັນທີ 23/07, ທ່ານນາຍົກລັດຖະມົນຕີລັດເຊຍ Dmitry Medvedev ໃຫ້ຮູ້ວ່າ ມົດສກູ ຈະສ້າງບາດກ້າວກະໂດດຂັ້ນໃນບັນດາການພົວພັນດ້ານເສດຖະກິກັບພາກພື້ນອາຊີ - ປາຊີຟິກ ໃນສະພາບທີ່ການພົວພັນຂອງປະເທດນີ້ກັບຝ່າຍຕາເວັນຕົກພວມຊົ່ວຮ້າຍລົງ. ທ່ານນາຍົກລັດຖະມົນຕີ Medvedev ຢືນຢັນວ່າ ການພົວພັນຮ່ວມມືກັບອາຊີ - ປາຊີຟິກ ແມ່ນບຸລິມະສິດອັນດັບໜຶ່ງສຳລັບມົດສກູ ແລະ ຕ້ອງບັນລຸໄດ້ບາດກ້າວກະໂດດຂັ້ນໃນຈຸດເວລາປະຈຸບັນ. ທ່ານນາຍົກລັດຖະມົນຕີ Medvedev ກໍ່ຖືວ່າ ເພື່ອດຶງດູດວົງການນັກລົງທຶນອາຊີ, ລັດເຊຍ ຕ້ອງກຳແໜ້ນບັນດາກາລະໂອກາດກໍ່ຄືທ່າແຮງຂອງຕົນກວ່າອີກ.
ນອກຈາກໃຫ້ຂໍ້ສັງເກດວ່າ ການພົວພັນລະຫວ່າງລັດເຊຍ ກັບບັນດາຄູ່ຮ່ວມມືເອີລົບ ພວມມີຄວາມສັບສົນຫຼາຍຢ່າງ ຍ້ອນວິກິດການຢູ່ຢູແກຼນ, ທ່ານນາຍົກລັດຖະມົນຕີ Medvedev ຍັງກ່າວເຕື່ອນວ່າ ມົດສກູ ອາດຈະປະຕິບັດບັນດາມາດຕະການປົກປ້ອງ ເພື່ອໂຕ້ຕອບບັນດາຂໍ້ຕົກລົງຮ່ວມສຳພັນຂອງສະຫະພາບເອີລົບ ກັບຢູແກຼນ ແລະ ໂມໂດວາ. ນອກຈາກນັ້ນທ່ານກໍ່ໃຫ້ຮູ້ວ່າ ລັດເຊຍ ພ້ອມກັບເບລາຣຸດ ແລະ ກາຣັກສຖານ ພ້ອມແລ້ວທີ່ຈະສ້າງຕັ້ງເຂດການຄ້າເສລີເຕີ່ມອີກກັບບັນດາປະເທດອາເມລິກາລາຕີນ ແລະ ອາຟລິກາ.