(vovworld) – ວັນທີ 13/08, ກະຊວງການຕ່າງປະເທດລັດເຊຍ ຢືນຢັນວ່າ ການຊ້ອມຮົບເຊິ່ງປະເທດນີ້ພວມດຳເນີນຢູ່ເຂດຕາເວັນອອກໄກ ບໍ່ນາບຂູ່ເຖິງບໍ່ວ່າປະເທດໃດ, ນັບທັງຍີ່ປຸ່ນ. ທ່ານຮອງຫົວໜ້າກົມການຂ່າວ - ກະຊວງການຕ່າງປະເທດລັດເຊຍ ທ່ານນາງ Maria Zakharova ເນັ້ນໜັກວ່າ ໝູ່ເກາະ Kuril ໃຕ້ (ເຊິ່ງຍີ່ປຸ່ນ ເອີ້ນວ່າເຂດດິນແດນທາງພາກເໜືອ) ເປັນສະຖານທີ່ດຳເນີນການຊ້ອມຮົບ, ແມ່ນຂຶ້ນກັບລັດເຊຍ ພາຍຫຼັງສົງຄາມໂລກຄັ້ງທີ 2. ບໍ່ມີສິ່ງໃດຜິດປົກກະຕິໃນບັນດາການຊ້ອມຮົບຂອງກຳລັງປະກອບອາວຸດລັດເຊຍ ຢູ່ໝູ່ເກາະ Kuril ໃຕ້ ຍ້ອນບັນດາການຊ້ອມຮົບເຊັ່ນດຽວກັນໄດ້ດຳເນີນເປັນປະຈຳ.
ກ່ອນນັ້ນ, ໃນວັນດຽວກັນ, ທ່ານນາຍົກລັດຖະມົນຕີຍີ່ປຸ່ນ Shinzo Abe ຖືວ່າ ການຊ້ອມຮົບດັ່ງກ່າວຂອງລັດເຊຍ ແມ່ນບໍ່ອາດຮັບຮູ້ໄດ້ ແລະ ໄດ້ຊີ້ນຳໃຫ້ກະຊວງການຕ່າງປະເທດຍີ່ປຸ່ນ ສົ່ງສານຄັດຄ້ານເຖິງມົດສກູ.