ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov (ພາບ: mid.ru)

ວັນທີ 04 ພະຈິກ, ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov, ຖະແຫຼງວ່າ ລັດເຊຍ ບໍ່ຢຸດຕິການເຈລະຈາກັບບັນດາປະເທດຝ່າຍຕາເວັນຕົກ. ແຕ່ວ່າ ຈະພິຈາລະນາບັນດາຂໍ້ສະເໜີເຊື່ອມຕໍ່ການຕິດຕໍ່ຄືນໃໝ່ ໂດຍອີງໃສ່ຜົນປະໂຫຍດແຫ່ງຊາດຂອງ ລັດເຊຍ ແລະ ສອງຝ່າຍຕ້ອງເຈລະຈາກັນບົນຫຼັກຖານ “ເຄົາລົບເຊິ່ງກັນ ແລະ ກັນ ແລະ ດຸ່ນດ່ຽງຜົນປະໂຫຍດ”. ລັດຖະມົນຕີກະຊວງການຕ່າງປະເທດ ລັດເຊຍ ກໍເນັ້ນວ່າ ບັນດາປະເທດຂຶ້ນກັບທະວີບ ອາຊີ - ເອີຣົບ ຕ້ອງຕັດສິນພາລະກຳຂອງຕົນເອງ ຫາກບໍ່ມີການແຊກແຊງຈາກພາຍນອກ ແລະ ພ້ອມກັນປະກອບສ່ວນເຂົ້າໃນການສ້າງໂລກຫຼາຍຂົ້ວແບບຍືນຍົງ.

        ລັດເຊຍ ຈະສືບຕໍ່ນຳບັນຫາການຄົງຕົວຂອງບັນດາປະເທດໃນໂລກຫຼາຍຂົ້ວ ມາເຈລະຈາໃນເວທີປາໄສອື່ນໆ, ລວມທັງກອງປະຊຸມສຸດຍອດ G20 ເຊິ່ງຈະດຳເນີນແຕ່ວັນທີ 18 – 19 ພະຈິກ ຈະມາເຖິງ ຢູ່ ບຣາຊິນ.

ດັ້ງເກື່ອງ - ນັກຂ່າວ VOV ປະຈຳ ມົດສະກູ