ທ່ານປະທານາທິບໍດີ ລັດເຊຍ Vladimir Putin (ພາບ: rianovosti)

ວັນທີ 27 ທັນວາ, ທ່ານປະທານາທິບໍດີ ລັດເຊຍ Vladimir Putin ໄດ້ເຊັນລັດຖະດຳລັດຫ້າມສະໜອງນ້ຳມັນບໍ່ ແລະ ບັນດາຜະລິດຕະພັນທີ່ກ່ຽວຂ້ອງໃຫ້ບັນດາປະເທດທີ່ຈັດວາງລາຄາເພດານສຳລັບນ້ຳມັນບໍ່ຂອງ ລັດເຊຍ. ຕາມລັດຖະດຳລັດສະບັບດັ່ງກ່າວແລ້ວ, ການເຄື່ອນໄຫວສົ່ງອອກນ້ຳມັນດິບ ໃຫ້ບັນດາປະເທດທີ່ຈັດວາງລາຄາເພດານສຳລັບນ້ຳມັນບໍ່ຂອງລັດເຊຍ ຈະຖືກຫ້າມ ເລີ່ມແຕ່ວັນທີ 01 ກຸມພາ 2023, ແຕ່ຈຸດເວລາເລີ່ມດຳເນີນຄຳສັ່ງຫ້າມສຳລັບບັນດາຜະລິດຕະພັນທີ່ຜະລິດຈາກນ້ຳມັນບໍ່ນັ້ນ ລັດຖະບານ ລັດເຊຍ ຈະເປັນຜູ້ຕັດສິນ, ອາດຈະແມ່ນຫຼັງວັນທີ 01 ກຸມພາ 2023. ຄຳສັ່ງຫ້າມສະບັບດັ່ງກ່າວມີຜົນສັກສິດຮອດວັນທີ 01 ກໍລະກົດ 2023. ເຖິງຢ່າງໃດກໍຕາມ, ລັດຖະດຳລັດສະບັບນີ້ກໍ່ຍັງມີມາດຕາໜຶ່ງ ທີ່ອະນຸຍາດໃຫ້ທ່ານປະທານາທິບໍດີ Vladimir Putin ສາມາດຍົກເລີກຄຳສັ່ງຫ້າມ ໃນກໍລະນີພິເສດ. ໃນລັດຖະດຳລັດສະບັບນີ້ ກໍຊີ້ແຈ້ງວ່າ ການຕົກລົງນີ້ໄດ້ຍົກອອກມາ ຍ້ອນກ່ຽວຂອ້ງເຖິງບັນດາການກະທຳທີ່ບໍ່ເປັນມິດຂອງ ອາເມລິກາ ແລະ ປະເທດຕ່າງໆທີ່ເຂົ້າຮ່ວມນຳກັນເພື່ອປົກປ້ອງຜົນປະໂຫຍດແຫ່ງຊາດ.

ນັກຂ່າວ VOV ປະຈຳ ລັດເຊຍ.