ລັດເຊຍ, ອາເມລິກາ ປຶກສາຫາລືສະພາບການຢູ່ຊີຣີ
ປະທານາທິບໍດີອາເມລິກາ Barac Obama ແລະ
ປະທານາທິບໍດີລັດເຊຍ ທ່ານ Vladimir Putin
(ພາບ: AP)
|
Vovworld- ວັນທີ 29/4, ປະທານາທິບໍດີອາເມລິກາ Barac Obama ແລະ ຄູ່ຕຳແໜ່ງລັດເຊຍ ທ່ານ Vladimir Putin ໄດ້ມີການເຈລະຈາທາງໂທລະສັບເພື່ອປຶກສາຫາລືສະພາບການຢູ່ຊີຣີ ແລະ ເຫັນດີເປັນເອກະສັນຈະມີການພົບປະກັນຢູ່ ມົດສດູ ປະເທດລັດເຊຍໃນເດືອນ 9 ທີ່ຈະມາເຖິງ. ຕາມຄຳຖະແຫຼງຈາກທຳນຽບຂາວ, ໃນການເຈລະຈາທາງໂທລະສັບ, ປະທານາທິບໍດີອາເມລິກາ Barac Obama ໄດ້ເນັ້ນໜັກອີກເທື່ອໜຶ່ງເຖິງຄວາມເປັນຫ່ວງກັງວົນຕໍ່ບັນຫາອາວຸດເຄມີຊຶ່ງຖືກນຳໃຊ້ໃນການສູ້ຮົບຢູ່ຊີຣີ, ພ້ອມກັນນັ້ນ ທ່ານຢືນຢັນວ່າ ວໍຊິຕັນຈະມານະພະຍາຍາມຊອກຫາບັນດາພະຍານຫຼັ້ກຖານທີ່ແທ້ຈິງກ່ຽວກັບກໍລະນີນີ້ ກ່ອນທີ່ຈະມີບັນດາການກະທຳຄັ້ງຕໍ່ໄປ. ນອກຈາກນັ້ນ, ການນຳທັງ 2 ທ່ານກໍໄດ້ເປັນເອກະສັນກັນ ຈະທາບທາມຢ່່າງແໜ້ນແຟ້ນ ແລະ ຊີ້ນຳເຈົ້າໜ້າທີ່ກະຊວງການຕ່່າງປະເທດຂອງ 2 ປະເທດ ສືບຕໍ່ປຶກສາຫາລືກ່ຽວກັບບັນຫາຊີຣີຢູ່ທີ່ກອງປະຊຸມກຸ່ມ G8 ໃນເດືອນ 6 ທີ່ຈະມາເຖິງຢູ່ອາຍແລນເໜືອ ແລະ ການພົບປະຂັ້ນສຸດຍອດ 2 ຝ່າຍລະຫວ່າງລັດເຊຍ-ອາເມລິກາ ຢູ່ມົດສກູ ໃນເດືອນ 9 ທີ່ຈະມາເຖິງ.