ວັນທີ 15 ເມສາ, ທ່ານ Aleksander Grushko ຮອງລັດຖະມົນຕີການຕ່າງປະເທດ ລັດເຊຍ ໄດ້ປະກາດວ່າ: ລັດເຊຍ ແລະ ອົງການ NATO ໄດ້ຢຸດຕິການຮ່ວມມືຢູ່ທັງຂົງເຂດການທະຫານ ແລະ ທາງພົນລະເຮືອນຢ່າງສິ້ນເຊິງ. ຕອບສຳພາດຕໍ່ສຳນັກຂ່າວສານ RIA Novosti ທ່ານ Grushko ໃຫ້ຮູ້ວ່າ NATO ໄດ້ປະຕິເສດບັນດາເນື້ອໃນຂອງໂຄງການດຳເນີນອັນຕັ້ງໜ້າໃນການພົວພັນກັບ ລັດເຊຍ. ທ່ານຮອງລັດຖະມົນຕີການຕ່າງປະເທດ ລັດເຊຍ ໄດ້ຕີລາຄາວ່າ ເລື່ອງ NATO ຕັດສິນໃຈຢຸດບັນດາການພົບປະການທະຫານກັບ ລັດເຊຍ ແມ່ນບໍ່ມີເຫດຜົນ, ເພາະວ່າການຮັກສາພື້ນຖານຄວາມໝັ້ນໂຄງຢູ່ເອີລົບຕ້ອງອີງໃສ່ ການພົວພັນລະຫວ່າງ ລັດເຊຍ ແລະ NATO.