ລັດເຊຍ ແລະ ຈີນ ປ່ອນບັດຢັບຢັ້ງຮ່າງມະຕິກ່ຽວກັບ ຊີຣີ
( ພາບ: http://vietnamnet.vn )
( vov world ) ບັນດາປະເທດໄດ້ມີປະຕິກິລິຍາທີ່ແຕກຕ່າງກັນພາຍຫຼັງສະພາຄວາມໝັ້ນຄົງສະຫະປະຊາຊາດໃນວັນທີ 4 ກຸມພາບໍ່ອະນຸມັດຜ່ານຮ່າງມະຕິກ່ຽວກັບ ຊີຣີ ໂດຍ ລັດເຊຍ ແລະ ຈີນ, 2 ປະເທດກຳມະການປະຈຳໄດ້ປ່ອນບັດຢັບຢັ້ງ. ທ່ານເອກອັກຄະລັດຖະທູດ ລັດເຊຍ ປະຈຳ ສະຫະປະຊາຊາດ Vitaly Churkin ໄດ້ຖືວ່າ ຮ່າງມະຕິ “ ສົ່ງສັນຍານທີ່ບໍ່ດູນດຽງກັບບັນດຝ່າຍຢູ່ ຊີຣີ ” ເມື່ອບໍ່ຮຽກຮ້ອງຝ່າຍຄ້ານຢູ່ປະເທດນີ້ “ ຢຸດການພົວພັນກັບບັນດາກຸ່ມປະກອບອາວຸດ ”. ລັດເຊຍ ຮຽກຮ້ອງໃຫ້ສະຫະປະຊາຊາດຍົກອອກມະຕິສະບັບໜື່ງຢ່າງພາວະວີໄສກ່ວາເພື່ອສາມາດຊ່ວຍເຫຼືອ ຊີຣີ ຢຸດຕິວິກິດການດ້ານການເມືອງຄືປະຈຸບັນ. ທ່ານເອກອັກຄະລັດຖະທູດ ຈີນ ປະຈຳ ສະຫະປະຊາຊາດ ຫຼີເປົ້າຕຸງ ຊີແຈງວ່າ, ຈີນສະໜັບສະໜູນຂໍ້ສະເໜີທີ່ “ ເໝາະສົມ ” ເຊິ່ງ ລັດເຊຍ ໄດ້ຍົກອອກມາ, ພ້ອມກັນນັ້ນກໍ່ຕັກເຕື່ອນບັນດາປະເທດສະມາຊິກອື່ນໃນສະພາຄວາມໝັ້ນຄົງສະຫະປະຊາຊາດກ່ຽວກັບເລື່ອງຈຳເປັນຕ້ອງດຳເນີນບັນດາການກົນໄກທາບທາມກ່ຽວກັບບັນຫາຮ່າງມະຕິ.
ໃນຂະນະນັ້ນ, ບັນດາປະເທດຝ່າຍຕາເວັນຕົກ ແລະ ກຸ່ມອາຣັບ ສະແດງຄວາມບໍພໍໃຈຕໍ່ໜ້າເລື່ອງ ລັດເຊຍ ແລະ ຈີນ ໄດ້ບ່ອນບັດຢັບຢັ້ງ. ຜູ້ຕາງໜ້າຂັ້ນສູງກ່ຽວກັບນະໂຍບາຍຄວາມສະຫງົບປອດໄພ ແລະ ພົວພັນກັບຕ່າງປະເທດຂອງ EU, ທ່ານນາງ Catherine Ashton ໄດ້ຖືວ່າ, ເຖິງເວລາແລ້ວທີ່ບັນດາຝ່າຍພ້ອມກັນກະທຳເພື່ອຢຸດຕິສະພາບການນອງເລືອກຢູ່ ຊີຣີ ແລະ ນຳຄວາມສັນຕິພາບມາໃຫ້ປະເທດນີ້. ທ່ານນາງລັດຖະມົນຕີການຕ່າງປະເທດ ອາເມລິກາ Hillary Clinton ໄດ້ກ່າວເຕືອນວ່າ ຊີຣີ ອາດຈະຕົກເຂົ້າໃນສົງຄາມກາງເມືອງພາຍຫຼັງສະພາຄວາມໝັ້ນຄົງສະຫະປະຊາຊາດບໍ່ຮັບຮອງມະຕິກ່ຽວກັບ ຊີຣີ. ແຕ່ຜູ້ນຳໜ້າຂະແໜງການຕ່າງປະເທດ ອາເມລິກາ ໄດ້ປັດເຂັ່ຍກໍລະນີແຊກແຊງດ້ານນການທະຫານຕ້ານ ຊີຣີ .