ນາຍົກລັດຖະມົນຕີລັດເຊຍ ແລະ ຈີນ
(ພາບ:xaluan.com)
(VOV)- ວັນທີ 6/12, ເມື່ອອັດກອງປະຊຸມເທື່ອທີ 17 ຄະນະກຳມະການ ລະຫວ່າງລັດຖະບານລັດເຊຍ ແລະ ຈີນ ຢູ່ນະຄອນຫຼວງມົດສະກູ-ສະຫະພັນລັດເຊຍ, ທ່ານນາຍົກລັດຖະມົນຕີລັດເຊຍ Dmitry Medvedev ແລະ ທ່ານນາຍົກລັດຖະມົນຕີຈີນ ເວີນເຈຍປາວ ໄດ້ເປັນສັກຂີພິຍານພິທີລົງນາມໃນບັນດາເອກະສານຮ່ວມມືສອງຝ່າຍ ຊື່ງໃນນັ້ນມີເອກະສານກ່ຽວກັບເລື່ອງລັດເຊຍ ແລະ ຈີນ ສົມທົບກັນກໍ່ສ້າງໜ່ວຍຈັກທີ 3 ແລະ 4 ຂອງໂຮງງານໄຟຟ້ານິວເຄຼຍຢູ່ຈີນ. ຕາມການຕີລາຄາຂອງທ່ານນາຍົກລັດຖະມົນຕີລັດເຊຍ Dmitry Medvedev ແລ້ວ, ການພົວພັນລະຫວ່າງລັດເຊຍ ແລະ ຈີນ ພວມຢູ່ໃນໄລຍະພັດທະນາດີທີ່ສຸດດ້ວຍວົງເງິນການຄ້າສອງຝ່າຍປີນີ້ບັນລຸປະມານ 90 ຕື້ໂດລາສະຫະລັດ. ຄາດໝາຍທີ່ການນຳສອງປະເທດວາງອອກແມ່ນຍົກວົງເງິນການຄ້າສອງສົ້ນຂຶ້ນເຖິງ 100 ຕື້ໂດລາສະຫະລັດໃນປີ 2015 ແລະ 200 ຕື້ໂດລາສະຫະລັດໃນປີ 2020 ແມ່ນອາດຈະປະຕິບັດໄດ້. ສ່ວນທ່ານນາຍົກລັດຖະມົນຕີຈີນ ເວີນເຈຍປາວ ໄດ້ຍົກອອກໝາກຜົນແຫ່ງການສົມທົບກັນລະຫວ່າງຈີນ-ລັດເຊຍ ໃນບັນດາຂົງເຂດອື່ນ ແລະ ຖືວ່າ: ການຢ້ຽມຢາມລັດເຊຍ ເປັນຄັ້ງສຸດທ້າຍຂອງທ່ານໃນຖານະເປັນນາຍົກລັດຖະມົນຕີຈີນ ອີກເທື່ອໜຶ່ງໄດ້ພິສູດໃຫ້ເຫັນສາຍພົວພັນອັນດີງາມລະຫວ່າງຈີນ ແລະ ລັດເຊຍ.