(vovworld) – ວັນທີ 20/6, ລັດຖະມົນຕີການຕ່າງປະເທດ ລັດເຊຍ ທ່ານ Sergei Lavrov ຢືນຢັນວ່າ: ລັດເຊຍ ຈະມອບໂອນບັນດາລະບົບລູກສອນໄຟປ້ອງກັນອາກາດ S -300 ໃຫ້ແກ່ອຳນາດການປົກຄອງ ຊີຣີ ຕາມສັນຍາລະຫວ່າງ 2 ຝ່າຍ. ກ່າວຄຳເຫັນໃນການຕອບສຳພາດຜ່ານຊ່ອງໂທລະພາບ Rossiya 24, ທ່ານລັດຖະມົນຕີການຕ່າງປະເທດ ລັດເຊຍ Lavrov ເນັ້ນໜັກວ່າ: ລັດເຊຍ ເຄົາລົບທຸກໆສັນຍາລະຫວ່າງ 2 ຝ່າຍ ແລະ ພວມປະຕິບັດບັນດາໜ້າທີ່ຕາມສັນຍາ. ທ່ານ Lavrov ກໍ່ໃຫ້ຮູ້ວ່າ: ລັດເຊຍ ຈະສະກັດກັ້ນທຸກໆຄຳຮຽກຮ້ອງອຳນາດການປົກຄອງ Al Assad ຕ້ອງລາອອກຈາກຕຳແໜ່ງຢູ່ກອງປະຊຸມໂດຍສັນຕິຄາດວ່າຈະໄດ້ຮັບການຈັດຂຶ້ນຢູ່ ເຊີແນວ, ປະເທດສະວິດ. ພ້ອມກັນນັ້ນ, ອີກເທ່ືອໜຶ່ງເຈົ້າໜ້າທີ່ຜູ້ນີ້ກໍ່ໄດ້ເຕື້ອງເຖິງຫຼັກໝັ້ນຄັດຄ້ານຂອງ ລັດເຊຍ ສຳລັບຄວາມສາມາດສ້າງຕັ້ງເຂດຫ້າມບິນຢູ່ ຊີຣີ ຄືນໃໝ່, ກໍ່ຄືແຜນການຂອງຝ່າຍຕາເວັນຕົກ ເພື່ອປະກອບອາວຸດໃຫ້ຝ່າຍຄ້ານ ຊີຣີ ແນໃສ່ຕ້ານອຳນາດການປົກຄອງ ຊີຣີ.
ກ່ຽວຂ້ອງເຖິງສະພາບການຢູ່ ຊີຣີ ຍັງມີຂ່າວໃຫ້ຮູ້ວ່າ ທ່ານລັດຖະມົນຕີການຕ່າງປະເທດ ອາເມລິກາ John Kerry ແລະ ປະທານສະພາເສນາທິການທະຫານປະສົມຂອງກຳລັງປະກອບ ອາວຸດ ອາເມລິກາ ທ່ານ Martin Dempsey, ໃນກອງປະຊຸມຢູ່ທຳນຽບຂາວໄດ້ມີຄຳເຫັນບໍ່ລົງລອຍກັນກ່ຽວກັບບັນຫາບຸກໂຈມຕີ ຊີຣີ.