ເຫດວາງລະເບີດຢູ່ ຊີຣີ
ພາບ:doisongphapluat
|
(vovworld)- ລັດເຊຍກ່າວປະນາມບັນດາການບຸກໂຈມຕີກໍ່ການຮ້າຍຢູ່ຊີຣີໃນທ້າຍອາທິດຜ່ານມາ ແລະ ກ່າວເຕືອນວ່າ ອົງການ “ລັດອິດສະລາມຂະຫນານນາມເອງ IS” ພວມມີກົນອຸບາ ຍທຳລາຍວິວັດທະນາການສັນຕິພາບຢູ່ປະເທດຕາເວັນອອກກາງນີ້. ໃນຖະແຫລງການທີ່ຍົກອອກມາເມື່ອວັນທີ 22/2, ກະຊວງການຕ່າງປະເທດ ລັດເຊຍ ຢືນຢັນ: ບັນດາເຫດວາງບະເບີດທີ່ນອງເລືອດ ຊື່ງ IS ປະຕິບັດຢູ່ ນະຄອນຫລວງ Damascus ແລະ ນະຄອນ Homs ຂອງຊີຣີ ເຮັດໃຫ້ນັບຮ້ອຍຄົນຖືກເສຍຊີວິດ ແລະ ຮັບບາດເຈັບ ຮຽກຮ້ອງປະຊາຄົມສາກົນ ຕ້ອງມີປະຕິກິລິຍາເໝາະສົມ. ມົດສະກູຢືນຢັນ ຕ້ອງສະກັດກັ້ນກົນອຸບາຍຍຸ້ແຍ່ຄວາມອາຄາດລະຫວ່າງບັນດາສາສະຫນາຂອງ IS ແລະ ອົງການກໍ່ການຮ້າຍອື່ນ. ກະຊວງການຕ່າງປະເທດ ລັດເຊຍ ຊີ້ແຈ້ງວ່າ: ໂທດກຳທໍລະມານຂອງພວກກໍ່ການຮ້າຍເພື່ອແນໃສ່ນາບຂູ່ປະຊາຊົນ, ທຳລາຍຄວາມມານະພະຍາຍາມບັນລຸມາດຕະການການເມືອງຍາວນານໃຫ້ແກ່ວິກິດການ ຊີຣີ ເພື່ອຜົນປະໂຫຍດຂອງປະຊາຊົນ ຊີຣີ ທຸກຄົນ, ມານະພະຍາຍາມຢຸດຕິການໃຊ້ຄວາມຮຸນແຮງ. ຖະແຫລງການດັ່ງກ່າວຖືກຍົກອອກພາຍຫລັງມື້ຫນຶ່ງ IS ຍອມຮັບວ່າໄດ້ດຳເນີນບັນດາເຫດບຸກໂຈມຕີໃນວັນດຽວກັນຢູ່ນະຄອນຫລວງ Damascus ແລະ ນະຄອນ Homs ຂອງ ຊີຣີ ເຮັດໃຫ້ມີຜູ້ເສຍຊີວິດຢ່າງຫນ້ອຍສຸດ 130 ຄົນ ແລະ ນັບຮ້ອຍຄົນຖືກບາດເຈັບ.