ລັດເຊຍກ່າວເຕືອນຢູແກຼນພາຍຫຼັງການຍິງປືນໃຫຍ່ຜ່ານເຂດຊາຍແດນເຮັດໃຫ້ຫຼາຍຄົນເສຍຊີວິດແລະຮັບບາດເຈັບ
ເຂດຊາຍແດນລະຫວ່າງ ລັດເຊຍ - ຢູແກຼນຢູ່ Donetsk
(ພາບ: RIA Novosti)
(vovworld) - ວັນທີ 13/7, ມົດສກູໄດ້ກ່າວເຕືອນ ກີແອບ ຕ້ອງຮັບ “ຜົນຮ້າຍຢ້ອນຫຼັງ” ພາຍຫຼັງການຍິງປືນໃຫຍ່ແນໃສ່ເທດສະບານ Donetsk, ເຂດຊຸມຊົນຂອງ ລັດເຊຍ ຢູ່ໃກ້ກັບເຂດຊາຍແດນ Lugansk, ທາງທິດຕາເວັນອອກ ຢູແກຼນ, ອັນໄດ້ເຮັດໃຫ້ໜຶ່ງຄົນເສຍຊີວິດ ແລະ ຢ່າງໜ້ອຍມີ 2 ຄົນຖືກຮັບບາດເຈັບ. ໃນຖະແຫຼງການ, ລັດຖະມົນຕີກະຊວງການຕ່າງປະເທດ ລັດເຊຍ ໃຫ້ຮູ້ວ່າ: ເຫດການດັ່ງກ່າວແມ່ນການກະທຳເກາະຜິດຄັ້ງຫຼ້າສຸດຂອງ ຢູແກຼນ ແນ່ໃສ່ຜືນແຜ່ນດິນ ແລະ ພົນລະເມືອງ ລັດເຊຍ. ຖະແຫຼງການຢືນຢັນວ່າ: ເຫດການໃຫ້ເຫັນວ່າ: ຄວາມເຄັ່ງຕຶງປິນຂັ້ນໄດທີ່ອັນຕະລາຍທີ່ສຸດໄລຍະມໍ່ໆມານີ້ຢູ່ເຂດຊາຍແດນ ລັດເຊຍ - ຢູແກຼນ ແລະ ອາດຈະພາໄປເຖິງຜົນຮ້າຍຢ້ອນຫຼັງທີ່ບໍ່ສາມາດຫຼີກລ້ຽງໄດ້ຈາກບັນດາການກະທຳເຊິ່ງ ຢູແກຼນ ຈະຕ້ອງຮັບຜິດຊອບທັງໝົດ. ຖະແຫຼງການໃຫ້ຮູ້ວ່າ: ລັດເຊຍ ໄດ້ມອບຈົດໝາຍທາງການເພື່ອຄັດຄ້ານເຖິງຢູແກຼນ.