ລັດເຊຍຄັດຄ້ານອີຢູຕໍ່ກຳນົດເວລາຈັດວາງຄຳສັ່ງລົງໂທດ
(ພາບ:reuters)
(vovworld) – ວັນທີ 1/7, ລັດເຊຍ ໄດ້ກ່າວປະນາມຢ່າງຮຸນແຮງຄຳຕັດສິນຂອງສະຫະພາບເອີລົບ (ອີຢູ) ຕໍ່ກຳນົດເວລາຕື່ມອີກ 6 ເດືອນສຳລັບບັນດາມາດຕະການລົງໂທດດ້ານເສດຖະກິດສຳລັບປະເທດນີ້ທີ່ກ່ຽວຂ້ອງເຖິງການປະທະກັນຢູ່ ຢູແກຼນ ແລະ ຖືວ່າບັນດາມາດຕະການລົງໂທດຈະບໍ່ເຮັດໃຫ້ ມົດສະກູ ປ່ຽນແປງແນວທາງ. ໃນແຈ້ງການສະບັບໜຶ່ງ, ກະຊວງການຕ່າງປະເທດ ລັດເຊຍ ຖືວ່າການກະທຳຂອງ ອີຢູ ແມ່ນ “ບໍ່ມອງກ້ວາງເຫັນໄກ” ແລະ “ໄຮ້ເຫດຜົນ” ຂະນະທີ່ໄດ້ປະສານສົມທົບບັນດາມາດຕະການລົງໂທດສຳລັບການບໍ່ບັນລຸໄດ້ຄວາມຄືບໜ້າໃນການປະຕິບັດຂໍ້ຕົກລົງສັນຕິພາບເພື່ອແນໃສ່ຢຸດຕິການປະທະກັນຢູ່ພາກຕາເວັນອອກ ຢູແກຼນ. ຖະແຫຼງການຂອງລັດເຊຍ ກໍ່ໄດ້ຍົກອອກມາພາຍຫຼັງສະພາເອີລົບ ປະກາດຕໍ່ກຳນົດເວລາບັນດາມາດຕະການລົງໂທດດ້ານເສດຖະກິດແນໃສ່ຂົງເຂດນຳ້ມັນ, ການເງິນ ແລະ ປ້ອງກັນປະເທດຂອງລັດເຊຍ ຮອດວັນທີ 31/1/2017 ພຽງ 2, 3 ຊົ່ວໂມງ, ດ້ວຍ ສາຍເຫດບັນດາ ມາດຕາໃນຂໍ້ຕົກລົງສັນຕິພາບ Minsk ເມື່ອເດືອນ 2/2015 “ບໍ່ໄດ້ຮັບການປະຕິບັດຢ່າງຄົບຖ້ວນ”.