(vovworld) – ກ່າວຄຳເຫັນທີ່ເວທີປາໄສກົດໝາຍສາກົນເຊິ່ງໄດ້ຈັດຕັ້ງຢູ່ນະຄອນ Sant – Peterburg, ປະເທດ ລັດເຊຍ ໃນມໍ່ໆມານີ້, ທ່ານນາຍົກລັດຖະມົນຕີ ລັດເຊຍ Dmitri Medvedev ໃຫ້ຮູ້ວ່າ: ລັດເຊຍ ໄດ້ສົ່ງ “ແຈ້ງການ” ໃຫ້ອົງການການຄ້າໂລກ (WTO) ກ່ຽວກັບເລື່ອງ ອາເມລິກາ ບໍ່ປະຕິບັດບັນດາໜ້າທີ່ດ້ານການຄ້າຂອງຕົນເມື່ອຈັດວາງບັນດາມາດຕະການລົງໂທດຕ້ານຄືນບັນດາອົງການຈັດຕັ້ງຂອງລັດເຊຍ.
ທ່ານນາຍົກລັດຖະມົນຕີລັດເຊຍ ກໍ່ໃຫ້ຮູ້ວ່າ: ບັນດາມາດຕະການລົງໂທດພຽງລຳພັງຝ່າຍດຽວທີ່ມີຈຸດປະສົງດ້ານການເມືອງບໍ່ເໝາະສົມຕາມກົດໝາຍສາກົນ, ບໍ່ອີງໃສ່ກົດໝາຍສາກົນ, ບໍ່ເໝາະສົມກັບທຳນຽບສາກົນ ຍ້ອນໄດ້ເມີນເສີຍກົນໄກນຳໃຊ້ບັນດາມາດຕະການບັງຄັບຢູ່ໃນກົດລະບຽບຂອງ WTO. ທ່ານນາຍົກລັດຖະມົນຕີ ລັດເຊຍ ກໍ່ຢັ້ງຢືນວ່າ: ປະຕິກິລິຍາຂອງ WTO ຕໍ່ໜ້າການຮ້ອງຟ້ອງລະຫວ່າງ ລັດເຊຍ ແລະ ອາເມລິກາ ກ່ຽວກັບມາດຕະການລົງໂທດຈະສະແດງໃຫ້ເຫັນລະດັບພາວະວິໄສ ແລະ ບໍ່ລຳອຽງຂອງອົງການນີ້ໃນການແກ້ໄຂຮ້ອງຟ້ອງ.