ລັດເຊຍຕ້ອງດັດປັບນະໂຍບາຍການຕ່າງປະເທດເປັນປະຈຳເພື່ອຮັບມືກັບບັນດາສິ່ງທ້າທາຍແລະຄວາມສ່ຽງ
ທ່ານປະທານາທິບໍດີ ລັດເຊຍ Vladimir Putin
(ພາບ: AFP/ສຳນັກຂ່າວສານຫວຽດນາມ)
(vovworld) – ກ່າວຄຳເຫັນທີ່ກອງປະຊຸມບັນດາເອກອັກຄະລັດຖະທູດ ແລະ ຜູ້ຕາງໜ້າການທູດຂອງ ລັດເຊຍ ທີ່ປະຈຳຢູ່ຕ່າງປະເທດໄດ້ດຳເນີນໃນວັນທີ 30/6 ຢູ່ ມົດສະກູ, ທ່ານປະທານາທິບໍດີ ລັດເຊຍ Vladimir Putin ໃຫ້ຮູ້ວ່າ: ຍຸດທະສາດການຕ່າງປະເທດມີການດັດປັບຂອງລັດເຊຍ ພວມປະສົມຜົນສຳເລັດ. ທ່ານປະທານາທິບໍດີ Putin ເນັ້ນໜັກເຖິງຄວາມເປັນຫຼາຍຮູບແບບ ແລະ ສັບສົນຂອງບັນດາບັນຫາສາກົນ, ບັນດາສິ່ງທ້າທາຍ ແລະ ໄພອັນຕະລາຍທີ່ ລັດເຊຍ ພວມຕ້ອງປະເຊີນໜ້າ, ຮຽກຮ້ອງໃຫ້ຕ້ອງມີການດັດປັບປຸງນະໂຍບາຍການຕ່າງປະເທດທີ່ກ່ຽວຂ້ອງເຖິງບັນດາຂົງເຂດ: ການເມືອງ, ເສດຖະກິດ, ມະນຸດສະທຳ ແລະ ຂໍ້ມູນຂ່າວສານເປັນປະຈຳ. ທ່ານປະທານາທິບໍດີ Putin ຊີ້ແຈ້ງຍຸດທະສາດພົວພັນຕ່າງປະເທດມີການດັດປັບຂອງລັດເຊຍ ຈະມຸ່ງໄປເຖິງການຮັບປະກັນສັນຕິພາບສາກົນ ແລະ ສະຖຽນລະພາບ, ສ້າງໂລກໃຫ້ຍຸຕິທຳ ແລະ ມີປະຊາທິປະໄຕບົນພື້ນຖານກົດບັດ ສປຊ. ທ່ານຢັ້ງຢືນວ່າຂະແໜງການທູດ ລັດເຊຍ ຕ້ອງຊຸກຍູ້ການແກ້ໄຂ ແລະ ສະກັດກັ້ນບັນດາການປະທະກັນ ແລະ ຈຸດຮ້ອນເຮັ່ງ, ກ່ອນອື່ນໝົດແມ່ນເຂດຊາຍແດນ ລັດເຊຍ, ກໍ່ຄືການປັບປຸງອະທິປະໄຕ ແລະ ປົກປ້ອງຜົນປະໂຫຍດຂອງສະຫະພັນລັດເຊຍ. ຕາມທ່ານ Putin ແລ້ວ, ລັດເຊຍ ຕ້ອງຊຸກຍູ້ການສ້າງສະພາບແວດລ້ອມແຫ່ງການຮ່ວມມື ແລະ ມິດຕະພາບກັບບັນດາປະເທດເພື່ອພັດທະນາປະເທດ ລັດເຊຍ ໃຫ້ກາຍເປັນປະເທດປະຊາທິປະໄຕແຫ່ງອຳນາດນິຕິບັນຍັດດ້ວຍພື້ນຖານເສດຖະກິດການຕະຫຼາດມີການກຳນົດກ່ຽວກັບດ້ານສັງຄົມ. ກ່ຽວກັບດ້ານປ້ອງກັນຄວາມສະຫງົບ, ທ່ານປະທານາທິບໍດີ Putin ເນັ້ນໜັກວ່າຄວາມສ່ຽງເກີດການປະທະກັນໃນທົ່ວໂລກຈະບໍ່ຫລຸດລົງແຕ່ຫາກຈະເພີ່ມຂຶ້ນ, ພຽງສາມາດຫຼີກລ້ຽງການປະທະກັນບົນພື້ນຖານເຈລະຈາ ແລະ ການຮ່ວມມືເທົ່ານັ້ນ.