ທ່ານ ຫງວຽນແທງເຊີນ ເອກອັກຄະລັດຖະທູດ ຫວຽດນາມ
ຕ້ອນຮັບ ທ່ານ ທ່ານ Andrey Klimov
(ພາບ: baotintuc.vn)
(vovworld) – ທີ່ການຕ້ອນຮັບທ່ານ Andrey Klimov, ຫົວໜ້າຄະນະພົວພັນຕ່າງປະເທດພັກ ລັດເຊຍ ເອກະພາບ, ຮອງຫົວໜ້າຄະນະກຳມາທິການພົວພັນຕ່າງປະເທດສະພາສະພາສະຫະພັນ (ສະພາສູງ), ໃນວັນທີ 3/12, ທ່ານ ຫງວຽນແທງເຊີນ ເອກອັກຄະລັດຖະທູດ ຫວຽດນາມ ປະຈຳ ສະຫະພັນ ລັດເຊຍ ຢືນຢັນວ່າ: ຫວຽດນາມ ເຖືເປັນສຳຄັນການພົວພັນກັບ ລັດເຊຍ. ທ່ານ ເອກອັກຄະລັດຖະທູດ ໃຫ້ຮູ້ວ່າ: ຫວຽດນາມ ພ້ອມແລ້ວທີ່ຈະກາຍເປັນຂົວເຊື່ອມຕໍ່ສຳຄັນ ແລະ ມີປະສິດທິຜົນ ເພື່ອໃຫ້ ລັດເຊຍ ສຳພັດກັນຕະຫລາດບັນດາປະເທດ ອາຊຽນ. ແລະກໍ່ໃນການຕ້ອນຮັບ ທ່ານ ເອກອັກຄະລັດຖະທູດ ຫງວຽນແທງເຊີນ ໄດ້ແຈ້ງໃຫ້ທ່ານ Klimov ຊາບກ່ຽວກັບການປະຕິບັດບັນດາໂຄງການລົງທຶນຂອງ ຫວຽດນາມ ຢູ່ ລັດເຊຍ ຢ່າງມີປະສິດທິຜົນ, ເລື່ອງຈັດຕັ້ງສຳເລັດງານຕະຫລາດນັດສິນຄ້າ ຫວຽດນາມ ຄຸນນະພາບສູງ, ພ້ອມທັງ ສະແດງຄວາມປາດຖະໜາຢາກໃຫ້ທ່ານ Klimov ແລະ ອຳນາດການປົກຄອງ ສະຫະພັນ ລັດເຊຍ ສະໜັບສະໜູນບັນດາໂຄງການລົງທຶນຂອງ ຫວຽດນາມ ເວົ້າສະເພາະ, ກໍຄືສືບຕໍ່ສ້າງເງື່ອນໄຂສະດວກໃຫ້ປະຊາຄົມຊາວ ຫວຽດນາມ ຮ່ຳຮຽນ, ທຳມາຫາກິນ, ດຳລົງຊີວິດຢູ່ ສະຫະພັນ ລັດເຊຍ. ສ່ວນທ່ານ Klimov ເນັ້ນໜັກວ່າ: ລັດເຊຍ ຍາມໃດກໍຖືເປັນສຳຄັນການພັດທະນາສາຍພົວພັນຮ່ວມມືແທດຈິງກັບບັນດາປະເທດໃນພາກພື້ນ ອາຊີ - ປາຊີຟິກ, ໃນນັ້ນມີຫວຽດນາມ.