(vovworld) – ວັນທີ 17/9, ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov ໄດ້ຊົມເຊີຍ ເລື່ອງສະພາແຫ່ງຊາດ ຢູແກຼນ ຕົກລົງມອບກົດລະບຽບພິເສດໃຫ້ 2 ເຂດຢູ່ພາກຕາເວັນອອກແມ່ນ “ບາດກ້າວເດີນໃນແນວທາງຊີ້ນຳຖືກຕ້ອງ”. ໃນຖະແຫຼງການໜຶ່ງ, ກະຊວງດັ່ງກ່າວກໍ່ກ່າວເຕືອນວ່າ: ບໍ່ວ່າຄວາມມານະພະຍາຍາມໃດເພື່ອແນໃສ່ປ່ຽນແປງ ຫຼື ຖອນຄືນກົດໝາຍນັ້ນຈະເຮັດໃຫ້ສະພາບການປະທະກັນຢູ່ ຢູແກຼນ ຕາເວັນອອກ ປິນຂັ້ນໄດ ແລະ ມ້າງທຳລາຍບັນດາຄວາມມານະພະຍາຍາມເພື່ອສັນຕິພາບ.
ແລະກໍ່ໃນວັນດຽວກັນ, ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov ກໍ່ກະຕຸກຊຸກຍູ້ ກີແອບ, ເລີ່ມເຄື່ອນໄຫວການເຈລະຈາກັບທຸກໆຝ່າຍທີ່ກ່ຽວຂ້ອງ. ຕາມທ່ານ Lavrov ແລ້ວ, ທຸກປັດໄຈພາຍນອກຕ້ອງລະງັບໃຈເພື່ອປະຕິບັດຂໍ້ຕົກລົງຢຸດຍິງຢູ່ ຢູແກຼນ, ພ້ອມທັງເນັ້ນໜັກວ່າ ກີແອບ ໄດ້ເລືອກເຟັ້ນຄືແນວນັ້ນເອງ ເພາະວ່າບໍ່ມີໃຜສາມາແຊກແຊງເຂົ້າການປະທະກັນພາຍໃນນີ້ໄດ້.