(ພາບ:dantri.com.vn)
(vovworld)- ວັນທີ 18/9, ບັນດາສຳນັກຂ່າວສານລັດເຊຍ ໄດ້ຄັດສະເໜີຄຳເວົ້າຂອງທ່ານລັດຖະມົນຕີການຕ່າງປະເທດ Sergei Lavrov ໂດຍໃຫ້ຮູ້ວ່າ, ປະເທດນີ້ຈະສົ່ງບັນດາພະຍາຍຫຼັກຖານທີ່ຫາກໍ່ໄດ້ຮັບຈາກລັດຖະບານຊີຣີ ເຖິງ ສປຊ, ໃນນັ້ນ, ພິສູດໃຫ້ເຫັນວ່າ: ກຳລັງລຸກຮຶ້ຂຶ້ນຊີຣີ ໄດ້ນຳໃຊ້ອາວຸດເຄມີ ຢູ່ເຂດຊານນະຄອນຫຼວງ Damacus ເມື່ອວັນທີ 21/8 ຜ່ານມາ ຊື່ງເຮັດໃຫ້ ປຊຊ ເກືອບ 1400 ຄົນເສຍຊີວິດ. ໃນວັນດຽກັນ, ສປຊ ຢືນຢັນວ່າບັນດານັກສັງເກດການຂອງອົງການນີ້ ບໍ່ໄດ້ລຳອຽງຝ່າຍໃດໆ ຂະນະທີ່ຍົກບົດລາຍງານກ່ຽວກັບການນຳໃຊ້ອາວຸດເຄມີຢູ່ຊີຣີ. ປະຈຸບັນ, ບັນດານັກສັງເກດການຂອງ ສປຊ ພວມສົມທົບກັບຄະນະຜູ້ແທນປະຈຳຂອງລັດເຊຍ ເພື່ອແນໃສ່ຊອກຮູ້ບັນດາຂ່າວກ່ຽວກັບອາວຸດເຄມີຢູ່ຊີຣີ ຢ່າງຊັດເຈນ.
ໃນວັນທີ 18/9 ດຽວກັນນີ້, ປະທານນາທິບໍດີຊີຣີ Bashar al Assad ຖືວ່າ: ຫຼັກໝັ້ນສະໜັບສະໜູນຂອງລັດເຊຍ ຕໍ່ Damacus ໄດ້ນຳມາເຊິ່ງຄວາມຫວັງສ້າງທ່າດຸນດຽງທົ່ວໂລກໃໝ່. ປະທານນາທິບໍດີຊີຣີ Bashar al Assad ໄດ້ຕີລາຄາສູງການສະໜັບສະໜູນຂອງລັດເຊຍ ໃນການຕ້ານ “ການບຸກໂຈມຕີປໍລະປັກ“ ແລະ ບັນດາກຸ່ມກໍ່ການຮ້າຍຫົວຮຸນແຮງໂດຍຝ່າຍຕາເວັນຕົກ ແລະ ປະເທດຕ່າງໆໃນພາກພື້ນໜູນຊ່ວຍ.